[معلومات العضو أبو جمال الغييثي]

بسم الله الرحمن الرحيم

اللهم صل على محمد وعلى آله وصحبه أجمعين

السلام عليكم ورحمة الله وبركاته

اخواني اعضاء هذا المنتدى الرائع مساكم الله بالخير يالقروم

هذي القصيدة لشاعر سعد بن جدلان


واسمحولي اهديها لأخوي عبدالرحمن الشرافي


وهذا على طلبه ولاتهونون وان شاء الله تحوز على رضاكم

(القصيده لا ثشمل فى معانيها كل شاعر مبدع)




هذه القصيده الموجهه للشاعر المبدع/ سعد ابن جدلان

ياالله وانا عبدك لوامرك طايع=ياواحد ما خاب من يلتجى به
تفرج لمن لاعه من الوقت لايع=شاف العجايب فالحياه العجيبه
الوقت عز مجالسين الربايع=والقرم والطيب تردى نصيبه
واللى من اول من حساب البضايع=اليوم له بين المناعير هيبه
والشعر جاه اليوم هافى ومايع=والكل يشكى من مفارق حبيبه
الشعر صاعه تالى الوقت صايع=متى يطيب الشعر مما بلى به
شعر ماهو حول السنع والوقايع=جره غراب فى رياض رطيبه
مادام وضعه بين شاري وبايع=حطو على الشعر الحقيقى تصيبه
ولى زمان المحكمات الروايع=اللى على اهل العرف ماهى صعيبه
وان كان مالله ثم راع الرفايع=والا ترى شعر العرب فى مصيبه
هذاك ابن جدلان بالصيت ذايع=سعد سعد ياسعد من ينتخى به
قصايده بين القصايد طلا يع=نوادر يحكى بها وتحكى به
الشاعر الوافى حميد الطبايع=ابو محمد دام راسه بطيبه
الاكلبى يستاهل انقول رايع=شعارنا فالمملكه تقتدى به
بلغ سلامى واشكره يابن شايع=عنى وعن شعار ربعى عتيبه

.................................................. .
.................................................. .


رد الشاعر الكبير/سعد ابن جدلان

الله يحييى خطوتك يابن شايع=انته وعلم الطيب اللى تجيبه
يالله طلبتك طيبات الشوايع=يوم ان شايعه الفتى من نصيبه
عذب الفياض ان هب منها ذعايع=يفتخ لها المشتاق ازارير جيبه
واقلبى الالباب ظامى وجايع=سقيت ديار اهل العقول اللبيبه
العرف عند العارفين ايترايع=سيل ايترايع من مجارى شعيبه
جانى من الروقي بيوت روايع=عز الله انها يابن صالح عجيبه
وليا مشى لك عاصى الشعر طايع=ماهيب يا مدهوش روق بغريبه
لوان زين الشعر يوخذ قلايع=قوم عليكم ياعتيبه حريبه

.................................................. ....
.................................................. ....


ارجوا تنال اعجاب الجميع ولكم صادق الود.

تــــــقـــــبـــــلـــــوا فـــــائـــــق احـــــتـــــرامـــــي

ابـــــوجـــــمـــــال الـــــغـــــيـــــيـــــثـــــي