[معلومات العضو فالح الشكره]

السلام عليكم ورحمة الله وبركاته

اعتقد ان قليل منا لايعرف شطر البيت في عنوان الموضوع وهذه المحاورة جرت بين شاعر كويتي والشاعر رشيد الزلامي العتيبي عندما كان يعمل في احدى دول الخليج ويقال ان رشيد الزلامي كان ينظر الى الجريدة وفيها صورة الملك فهد الله يغفر له ويرحمه وقال الشاعر الخليجي هذه الابيات

انتم بدارن موسعه صدر من ضاق=بلغ سلامي لزلامي وقله
ياعابد الصورة على بيض الاوراق=دارك عرفناها وعلتك هله
وإن كان حبه محرقن قلبك احراق=شد الرحال ودرب عمك تدله

-
-
-
فرد عليه الزلامي بالابيات التاليه
-
-

أنتم بدارٍ دلها صدر من ضاق = وانا تخيّل صورته بالمجلة
ماتعرفونه يارديين الأعماق = هذا الفهد ذخر الفهد في محله
اللي لياشطت ونشفنّ الأرياق =أنت وانا ومعزبك تحت ظله
وحنّا سعوديين ياطاق طرباق = أحرار ماعشنا بعيشة مذله
رجالنا لو هو على مكسر الساق = حب الكرامه والوفا عادة له
وأهل الحسد ماهم على باب الأرزاق = رزقي على كوّن الكون كله

وللزلامي قصيدة اعجبتني ،،،، فارجوا ان تنال اعجابكم
-
-
-

قالوا تعلمـت قلـت عنـاد وفراسـه=أجاهـد النفـس والدنيـا نصارعهـا
ودرست في مدرسة من شيبت راسـه=دنيا العنا اللي قضيفـات ٍ مطامعهـا
تلميذهـا دايـم تكتـب بقرطـاسـه=تعطيه جملـة دروس مـا يضيعهـا
والله عطانا نظر وشعـور حساسـه=ناخذ علوم المعرفـه مـن مراجعهـا
ونساير الوقـت ونقيسـه بمقياسـه=ونواجه النفـس بالواقـع ونقنعهـا
وترى حياة الفتى مهما قـوى باسـه=محفوفة بالخطـر والمـوت تابعهـا
من مبتدأ العمر حتى يلفـظ أنفاسـه=يمر فـي مرحلـة تكثـر زوابعهـا
وأول حياة الفتى مشـوار وعساسـه=مسافة في عجـاج العمـر يقطعهـا
وثاني حياة الفتى تدريـب ودراسـه=تصعب ظروف الحياة وينشغل معهـا
وثالث حياة الفتى يرجع على ساسـه=النقطة اللـي بـدا منهـا يراجعهـا
ياصل لسن الهرم ويضيـع الطاسـه=ويزحف مع الأرض ويخطط شوارعها
وليا تلاقت متونـه وأرتخـى راسـه=ضاعت جميع العلوم اللـي مجمعهـا

المصدر الفرفره واللف في المنتديات والشبكة العنكبوتيه