هذة قصيدة للامير فراج بن نادر رحمة الله في خاله الامير عبد الله بن سعد بن عريمة
رحمه الله .. عندما كان بالطايف بعد المغزى ..
الله من صدر.ن. تضايق عليه = وعيني الى جا الليل جاها عناها
يالج قلبي لج حشواً ضميه = داجت على عد.ن. ولا احداً سقاها
حلفتنا مادامت النفس حيه = لاخطي ولا ارضى بالخطى من سواها
إلا خطيت واحد من الدنيه = نشوم من داره ونلقى سواها
ياعبيد اركب وارتحل عيدهيه = عملية.ن. قطع الريادي مناها
تسرح من الطايف برد الوصيه = والعصر بالحرة تباوع خطاها
ملفاك خالي عيد هجن.ن. ونيه = عيد الركاب اللي يرقع حفاها
أبشر الامن جيت بشحم الغذيه = وصحون بر.ن. تتعب اللي عباها
أحد.ن.يعزم اليوم والاخر قفيه = واحد.ن. يقول أن ضيفتك قد عباها
خوالي حمى (الفرعة) من الجاهليه = عز البلاد وسترها من وراها
لامن قضيت فقد وجه المطيه = خلها تحدر نصها منتهاها
ملفاك نادر هو حمى الدوبليه = شاة المربي لانصيته شراها
لاجات من المشرق علينا غزيه = تبغى ابكار.ن. تيهت في هواها
ماعاد يرجع لانواله بنيه = ركايبه عقب الطمع ماحماها