بسم الله الرحمن الرحيم
قصيدة في شمر للشاعر الكبير
حمير بن علي بن مناحي الدوسري
على ساس الكرم .. منبع زعامات .. وطيب جدود= لفيت لدعوتك .. يا حايل التاريخ وأعنيها
بلاد لك .. على روس الجبال النايفات السود =بياض .. بيض الله وجه راعيها وأهاليها
لك الله .. لك غلا .. في خاطر الشاعر بدون حدود= ولا قبلك ولا مثلك غلا في قلب مغليها
هل الردات .. لا ثار الغبار وعسكر البارود=سلاطين الشيوخ اللي تولعها وتطفيها
بلاد خصها الله بالكرم .. وإغاثة المضهود= عليها حلية من "حاتم" وسيرته تنبيها
حبيبة .. حبك الله .. لا تحطين الضلوع شهود= أنا من قبل ما أغليها .. جميع الناس تغليها
على أجا وسلمى .. كل ما هبت عصير نود=تحيات الشجاعة .. من صميم القلب نهديها
وعلى "سعود" الأمير .. ولا تكحلتي فذاك سعود=أمير لك .. ولك قصة محبة كيف أبرويها
هلابك .. فيك .. يا ملهمة القصيد وغاية المقصود= يطيب الشعر في حائل وحائل من يماريها
عليك من الوفاء راية .. وعليك من الجمال عقود =ومنك وفيك .. شجعان السيوف اللي تحنيها
كريمة .. والكرم طبعك .. وطبعك عن كرمك يزود= جبلك الله على حب الكرم .. يوم الكرم فيها
ولدك .. اللي نحر ذيك الفرس .. والجود من الماجود= بيمين سطر التاريخ فارسها وحاميها
وعلى حب الطنايا ما نبي شاهد ولا أبغى شهود=غلاهم "للدواسر" والدواسر حيل تغليها
منقول