[معلومات العضو (*)الريم(*)]

حلو الموضوع وااااااااااااجد .. تسلم مجاييب الشيخ حمد
ممكن سؤال ؟ معقول في وحده تحط سكين لرجلها ؟؟ و يخاف منها عادي ؟!!!!
حرام يمكن وحده تقرا هالموضوع وتسويها لرجلها لو نوى يتزوج عليها ويقوم و ينحرها ؟؟
بصراحه مامعي خبره بذا الموضوع ابدا ابدا بس بحاول اخترع!!
ألحين الشاب مايتزوج إلا و قد صار عمره30سنه ثم يظل يسدد بديون عرسه والمهر بعد
الزواج ليمن ياصل 35عمره سنه بعدها يجون البزارين( المزعجين) وذا الورع مريض
وذاك يبي حليب وهذا مدري وش بلاه وووو ..وماتقل مسؤولياتهم ويكبرون شوي إلا وصار
عمره 40 سنه بعدين يبدا يفكر يشري أرض ويعمرها و ما يكمل البنا إلا وعمره45 سنه
و يظل مسكين يسدد بديون العمار ليمن ياصل عمره 50 سنه بعدين يبدا يدفع لتعليم
عياله بجامعات خاصة ليمن يتخرجون و عمره في ذاك صار 55سنه (لأن الشباب أعلى
مجاميعهم بالثانوية العامة60% أو مقبول؟!!) ثم يتخرجون و يبدا يدفع للواسطات الدراهم
عشان عياله يتوظفون و يتسلف من ذا و ذا وما يسدد إلا وعمره صار60 سنه وشوي و تقاعد وصار معاشه
نصف الراتب ثم يجوله عياله يبون يعّرسُون ويزوجهم ويظل يسدد بديون زواجهم ليمن يشرب العلقم والحاله تغدا حاله و يمرض و سكر و ضغط وشوي وإلا وعمره صار65 سنه ..
بعدها عاد يشورون عليه الشيبان بالاستراحه أو عند البقاله أن يعرس عشان يجدد شبابه و يقتنع الرجال و يفرح و يوم زواجه يجي له هادم اللذات وياخذ أمانته و يموت ؟!!


بالله عليكم أي تعدد تبونه بذا الزمن ..ليش هو يمديه يعرس ثانيه ؟؟؟؟؟؟؟؟؟؟؟؟؟
خلو التعدد لهله يوم كان الرجال يعرس وعمره 17 سنه ب10ريال أو أقل والبنت عمره 12
سنه ما قد خذت من الدنيا وبلاويها ==> ياويلي تهرج تسنها عجيّز صغيره
عموما ااااااااااااااااااااااااااااااسفه على الإطاله بس هذا اللي طلع معي


ودام عز الدواسر
الريـــــــــــــــــم