اقتباس:
|
المشاركة الأصلية كتبت بواسطة ابو الوافي
بسم الله الرحمن الرحيم
هذي القصيده قالها الشاعر \ حسن بن منصور الحزمي المشاويه الدوسري
وقد كتب هذي القصيده في \ محمد بن سالم بن كريدي الوسمي الدوسري
لتوظيف ابن عمه...................
أليكم القصيده****
بسم الله الرحمن ياشعر مبداك = بنيت بيوت الشعر ماضاهدتني
يالساني انطق تو مازان مرماك = لعب القوافي لعبة(ن) صادقتني
مني سلام الله أموجه لشرواك = قبل السلام حبة خشم سابقتني
ابزهم اللي مثل جنسك وحلياك = ولامن هقيت أبهقوتن ماخذلتني
يامحزم(ن) بالضيق جيناك جيناك = وعلومك الجزله عليك دللتني
املحف اموسد علي الطيب لوجاك = ساسك كريم ونفسي يمك هدتني
جدك ابن وسمي علي الطيب ناداك = مواقف(ن) بالطيب له نومستني
كافي لخاله وماخذ الحق من ذاك = بالسان خاله فزعته فرحتني
خذا العريني في قفا الخصم دكاك = وكل الخصايم بعدها فارقتني
مواقفه يحمد لها حنا وياك = ومدحت رفيقي كسبة(ن) ربحتني
انا يابوسالم ترنا نصيناك = في حاجتن قبلي نشاما سبقتني
وفعلك يابو سالم علي الطيب قداك = جماعتك بالنعم لك سمعتني
وانت الذي بيض(ن) عرفنا سجاياك = سمعتها وناظرتها وعجبتني
فيك التواضع والكرم من مزاياك = والدين والاخلاق فيك ادهشتني
حطيتلك بين الرجاجيل مسلاك = سمعة جنابك فالملا شرفتني
جيناك ياذيب الرجاجيل نبقاك = عونن علي بعض الامور ازعجتني
ولا الردي والاش يفداك يفداك = من طلبته نفسي عزيزه عصتني
واذا نشدة العلم ياويش بلواك = بعطيك علمي فرصتي وافقتني
عندي ولد عم(ن) علي العون ينخاك = ويصيح بعلي الصوت دنيا جفتني
غير سعد فيها ونا المر حباك = اب وهمها وهمومها شربتني
مالي وظيفه منها الجيب تكاك = والحال ماتخفاك ماساعدتني
جنسي سعودي والشهادات لهناك = ظروف الزمان النحس ماطوعتني
والبيت مامن بيت والحل ركاك = وكثر العذاري مابه وحده بقتني
حضي ملازمني من الدم سفاك = وكرهتنا نفسي ونفسي كرهتني
ان كان مامديت بالعون يمناك = وسعفتني من سوء دنيا لوتني
انت بعد ربي رجايا ترجاك = علي ظروفي شفتها لوعتني
ان كان بان العون الله يجزاك = جنه مواصفها جميله اهبلتني
وان كان ماجات الغنيمه امسعاك = الله كريم(ن) كلمة(ن) رافقتني
والختم صلوا عد نجم(ن) بالفلاك = علي النبي وسيرته اوعضتني
|
العزيز الغالي أبو الوافي
تسلم يمينك يالقرم على كتابة هذه الرائعه
والله والنعم بالمادح والممدوح
وصح الله لسانك ولسان الشاعر حسن بن منصور الحزمي المشاويه الدوسري
ويستاهل القصيدة محمد بن سالم بن كريدي الوسمي الدوسري
تحياتي القلبية
محب الجميع