ذهب الشاعرراشد بن عويضه القحطاني إلى وادي الدواسر لانه كان يطلب احد اقرباء الشاعر سعد بن هتيل المسعري مبلغ من المال وبقي بعض هذا المبلغ
فقال راشد لصاحبه الباقي من المبلغ متنازل عنه لأجل اخي وصديقي سعد
وكتب هذه القصيده اثنا سفره من وادي الدواسر إلى المنطقة الشرقيه
حيث إقامته وكان يرافقه سعيد بن دغش الهاجري الذي ورد اسمه في القصيده
وسحمي اكبر أبنا الشاعر سعد بن هتيل
يا سعيد اركب وعرضه السمومي=ماتعودنا على برد الاضله
عرضه حدب الريادي والحزومي=وسهج اللاهوب خل النوم خله
ماينام الا قليلين الهمومي=كل خبل كثر نومه عادةٍ له
سرحه ياسعيد من دار القرومي=وانت سواقه ومنهاجك تدله
سرحه من دار ذربين السلومي=دار ابو سحمي مداوي كل عله
شايبٍ شيب على طيب العلومي=ومن شبابه والرجوله منهج ٍ له
والسبوع اللي خذينا كنه يومي=ومن تعمق في طبوعه مايمله
ونقضا من عندهم بعض اللزومي=ومابقا ياسعيد جعله فدوة ٍ له
وهذا رد الشاعر سعد بن هتيل
يافليح الفلح يافلح العزومي=المهم انه فليح الراي كله
قرب اللي مستعد ٍ ومحشومي=مع طلوع الشمس واركب واعتدل له
نحره دار ابو خالد يامغنومي=عند راشد مقعده فإنه هل ٍ له
لالفيت ابن عويضه بالعلومي=وبسلامي والخبر دقه وجله
حبلي خشمه عسى عمره يدومي=عد مابيني وبينه حشمة ٍ له
مرحباً برسالته عد النجومي=وعد وبل ٍ من مخاييله تهله
واللة ان اذكره حتى في الحلومي=ون خياله ثابت ٍ لي في محله
جعل يفدونه دهاديه الهزومي=والبخيل اللي غناته حسرة ٍ له
واللة ان طب الحسايس الحثومي=رفقة اللي كل طيبٍ يرتحل له
ماتغوي به برابيس الرخومي=يابس ٍ راسه ورايه معتدل له
وسلا متكم
منقول من ديوان ابن هتيل
تقبلوا تحيات اخوكم ابو زابــن