بسم الله الرحمن الرحيم
الفقراويين تشمتوا بعد ثلاثة الشباب ونسوا عشقهم الأزلي لــ الستات
وبعدها ربي بلاهم بالفيصلي يؤيؤ الفيصلي 4 ومانقول الا سرى الليل يابو أربعه
هذا الموضوع أنصحكم تسون له نسخ وأرسال لكل من تسول له نفسه أنه يقول أنا نصراوي أو يتكلم في الزعيم
وعلى فكره الموضوع منقووووووووووووووووووووووووووول
أترككم مع الموضوع والله يعينكم عليه طوييل
--------------------------------------------------------------------------------
كنا صغارا
لا نعي شيئا
نفهم في حدود ما نرى
ونعرف في حدود مانتعلم
المهم يوم حنا صغار كان فيه لغز
أول شي كان صعب
همن صار أسهل لغز
تدرون وشو؟
اللغز يقول :
أربعة مع أربعة
تقامزوا في المزرعة
معهم صبي دوبحي أو (دوبلي)
يضرب مضاريب أربعة
احترنا في اللغز
واحترنا في الأربعة
من هم ياترى
كانوا يقولون لنا تراه شي سهل
وهالأربعة مع كل واحد فيكم
ومع التقريب عرفنا ان هالأربعة هي أصابعنا عندما تستخدم ( المحش ) في الحصاد
كبرنا وكبرت الأربعة معنا
كانوا يقولون لنا :
قل : أربعة
فنرد على طول : أربعة
فيأتي الرد :
سيارة أبوك مقربعة
همن مع الفشيلة من ذم السيارة
لا نملك إلا أن نقول :
أصلا أبوي ماعنده سيارة
فعلا ماعنده سيارة
( أن لاتملك سيارة خير من أن تملكها وهي مقربعة) <<< مثل من عندي
وكبرنا شوي وبدينا نشوف التلفزيون
كان أول بألبيض والأسود
أتذكر كان فيه مسرحية كويتية
عنوانها
1 2 3 4 بم
كانت مسرحية جميلة تناقش قضية الرجوع من الماضي للحاضر
آه فعلا ما أجمل الماضي
بطولة الصلال والمرحوم صقر الرشود وعبدالعزيز العقل ( صغيرا)
المهم ان هالأربعة ورانا ورانا
أتذكر كان فيه (زيود) في الحارة يشتغلون في البناء
وكان لهم أهزوجة جميلة يقولونها لزيادة همتهم على الأعمال الشاقة أو المتعبة
وخاصة عندما يريدون حمل شيء ثقيل يرددون :
(أربعة شلوا الجمل والجمل ماشلهم )
كتبت هالكلام وقراه خويي ( سعد ) وقال وراك ناقم على الأربعة؟
قلت له : للأربعة اشياء جميلة تبي اعلمك وشي؟
خذ مثلا :
- الرجال له في الشرع أربع
- ياسلام
- وازيدك من البيت شعر
- هات
- الجهات الأصلية أربع
- لا؟ !!
- والفصول أربعة : الصيف والخريف والشتاء والربيع
- وش بعد خلصت؟
- لا حتى الشعر له كلمة :
( العُمر يمضي ...
يا فتى ..
مثلَ الفُصول.ِ..
الأربعه.....
والدهُر يحكي ...
قِصةً ..
قد عِشتها
فلتسمعه ..
أنفاسُ عمري كُلها ..
بالذكريات ِ..
وبالذي قد كان يوماً ..
مُترعه
...
وبدا الخريف ُ..
يُساقط الأوراق ..
ينثُرها ..
والعُمرُ يرقُب ُمصرعه ..
وهُنا انتهى حُلمي الجميلُ ..
على رحيلٍ أزمعه..
هذي نهاية قصتي ..
عمرٌ مضى في أربعه ..)
- شعر جميل وش قصة هالأربعة ؟
- اسأل نفسك
- تدري هالأربعة معنا معنا شف هالغرفة كم فيها من زاوية ؟
- أربع زوايا
- تصدق حتى في الكل ناكل ومعنا هالأربعة
- كيف
- انت تشتري خبز؟
- ايه
- كم بريال ؟
- أربع بريال
- شفت ان هالأربعة ورانا ورانا
- انت شكلك لك في الكورة والرياضة ؟
- ليش ؟
- الكورة لها علاقة بالأربعة
- وشلون؟
- ماتسمع بدور الأربعة؟
- إلأ
- شكلك مهزوم بأربعة؟
- لا أبدا تراك غلطان والا ماسمعت الشاعر اللي يقول :
(أنا طبيعي شخص لكن منتسب للفرقة اللي رشحت ألمانيا
ولاتحسب اني شلت هم المنتحب من بعد ماذاق (أربعة أوكرانيا)
يعني أحب الواقع وما أنجذب بالرغم اني من هواة أسبانيا )
مادمت انك جبت طاري أسبانيا يمدحون مدنها
والله؟
- أي والله
- انت رحت لها
- ايه
- متى قبل أربعة أسابيع
- والله ؟
- والله
- وين رحت بالضبط؟
- رحت لبرشلونة
- (برشلونه؟ مرة وحدة ؟
- ايه برشلونة
- انت حدك بر الثمامة مو (بر) شلونه !!! ويخب عليك بر الثمامة بعد
- الثمامة؟
- ايه الثمامة والا بغيت تتطور تروح للفيصلية
- فيصلية؟
- ايه فيصلية
- طيب ياذكي الفيصلية مذكر والا مؤنث؟
- مؤنث
- طيب يالعبقري وش مذكرها
- بسيطة مذكرها فيصلي
- فيصلي
- ايه فيصلي
- ياسلام لو فيه مكان اسمه فيصلي بدال الفيصلية ويصير للعزاب
- بس انت نسيت ان عندك فيصل ولد عمك
- عاد كل فيصل فيصل؟
- صدقت
- المهم ماقضت سواليفك عن الأربعة
- لا تذكرت سالفة جديدة
- وشي ؟
- الشباب كانوا يسوون أربعات بالتفحيط والل يفحط يسمون تفحيطه ( تربيع)
- صارت رياضيات تربيع وجذر ؟
- وخمسات بعد
- تدري والله مليت من سوالفك ماعندك جديد ؟
- إلأ عندي بس ياخوي يا(سعد) ماعاد أقدر أقول شي
- ليش؟
- (ياسعد لا تحاول كل شين تعرفه ) !!!
- تدري خلنا في سوالف الأربعة واترك سعد في حاله !!!
عز الله انك صادق بس كله منك يا (سعد) انت اللي خليتني افضفض عن الأربعة
والا انت ينطبق عليك قول الشاعر :
(أوردتها ياسعد وهي (..........) ماهكذا يا (سعد) تورد الأبل !!!
فعلا ( ياسعد لا تحاول كل شين تعرفه )
عاش سعد جمعة !!!
صادق ترى اليوم جمعة !!!!