مات الضمير الحي في واقع النـاس=ومن موتـه ماتـت اعلـوم مهمـه
يحزن عليها طيب الراس والسـاس=اللي معرب راسـي خالـه وعمـه
دنيا تخلي صاحـب الفكـر ينحـاس=تنقضي عهود أوعدهـا مـا تتمـه
تجرح شعور اللي له اشعور وحساس=وعنده يزيد الضغـط ويفـور دمـه
في بنكها تودع احسابـك الإفـلاس=تقهر طموحك ليـن حالـك تسمـه
وراع السطر تحمس ضميره بمحماس=وفي كل يـوم توجـه الغـزو يمـه
دنيا علينا نابها يضـرس أضـراس=عوجا أتبيد حبـل مـن فيـه همـه
ياما فقدتنا سلوم طالـه أونومـاس=وخلى عياهـا جروحنـا مستشمـه
الاوله غيرة هـل الجـوخ والطـاس=اللي لهم شيمـه ومذهـب اوذمـه
أهل الشجاعة متعبة كـل عرمـاس=اللي هدفهـا لا زمـت مـا تزمـه
جا بعدهم ذلان وارخـوم وخسـاس=والفرق شاسع بيـن طيٌـب وخمـه
والثانيه هقوت هل العـزم والبـاس=اللـي منازلهـم علـى راس قمـه
جا بعدهم قوم رضت طمنـة الـراس=عاشوا على مكـر وهياسـه وثمـه
والثالثـه للصـدق قيمـه ونبـراس=عنـد الرجـال معوصبيـن الاعمـه
صار العوض فيهم امنافق او هلاس=طيبك ومدحك عنـده اكبـر امطمـه
والرابعه وصـل بـلا حـد وقيـاس=غير الموالي جرح الأقصـى يضمـه
جا بعدهم شرذمة ارخـوم وانجـاس=قطـاع فالارحـام وابـوه وامــه
وقدرالقرابـه بينهـم صـار ينـداس=طغى عليـه الحقـد والكـره دمـه
والخامسه من بعدهم خيـم اليـاس=اللـي شتـات الشمـل دايـم تلمـه
كبار الهقاوي لانثنـى كـل هسـاس=تفتل زمـام العلـم ماهـي تخمـه
صار العوض فيهم سقيطه اويـلاس=قوم مماشيهـا علـى غيـر يمـه
ولا قول يوجد عيب في كل الأجنـاس=و واف الخصايل كلمتي مـا تعمـه
اقصد بها خبل لبس ثـوب الادنـاس=قلبـه كبيـر وراس خشمـه يزمـه
غره ابليس وزاد نقصـه تغطـراس=وانا قصيـر البـاع مـا لـد يمـه
ولال الردي في مجلس الطيب مجلاس=علـم قصـر دونـه وعلـم يزمـه
لعـل راع الكبـر قطـاع الانفـاس=لون راع الـزوم مـا شلـت همـه
واستثني الطيـب ولا يلحقـه بـاس=اللـي يشمُـر للمواجـيـب كـمـه
وش رايكم فيها يالنشاما ،،، وسلامتكم ،، لا أعرف قائلها.
وتقبلوا خالص التحيات وأوفى الاحترم والتقدير.