سم الله الرحمن الرحيم
السلام عليكم ورحمة الله وبركاته أما بعد أنا مشارك في منتدا قبيلتي وهو من دواعي سروري فأنا توني داخل عالم الكمبيوتر ولا المفروض إني من أول المشاركين معي مشاركه أبي أشارك بها ألا وهي:
كان محمد بن مشبب بن سيف العطوان المخاريم الدوسري ذاهباً لشبك أبله اللي في الجنادريه ويوم وصل وكان معه واحد من عيال عمه لا ذالاك الرياجيل بينهم وبين محمد موقف قديم يترقبونه وكانوا حوالي تسعه المهم يوم شافهم محمد عرف الرياجيل فأعتزا ونطحوا الرياجيل منك ومنه ومنك ومنه يوم سمع واحداً أسمه طلال بن محمد البقمي المنيعي عرف إنه رفيقه جاك وفزع مع رفيقه ويوم خلصوا الرياجيل لا محمد وربعهما فيهم شيء ولا ذالاك فيهم أربعة طاحان والباقين هربوا وكما هي عادات الدواسر ما ينكرون المعروف يوم جاء عليه ولد سماه على طلال البقمي وحط محمد حفل حضروه أكثر الدواسر الموجدين في الرياض ذيك الايام والبقوم ومن القبايل الأخرا وكان من الحضور الشاعرمحمد بن باني وشارك بقصيده قال فيها
مرحبا ترحيبةً كنها ضوح النهار = لاتبين نورها ينجلي عنها الظلام
قلتها من قلب ولساني أعلنها جهار= شاعراً واختار روس الجزال من الكلام
أتنقا زينها وأتخيرهاخيار= صغتها من جد من خوف يلحقها ملام
مرحبا وألف هلا بالبقوم أهل الوقار = الرجال أهل المروة صناديد حشام
فعلهم يعرف ليا شعشعت قحص المهار= بالنشاما في نهار المعارك والزحام
يلطمون الشره كان الدخان والعج ثار= بالسيوف اللي مضاريبها تشلا العظام
ويكرمون الضيف في وقت الأيام العسار= وذا قليل من فعايل رفيعين المقام
وأثني الترحيب باللي لفا من كل دار= عد ما غنا بروس النخل ورق الحمام
قلتها في مجلس أهل الوفا والأفتخار = مجلس من جاه يلقا معزة واحترام
رافعين رايته باليمبن عن اليسار= الرجال اللي تضيم الخصيم ولا تضام
في محل محمد اللي له العليا شعار= أشهد أن أبو مشبب كريم من كرام
صادق الهدات يوخذ بعين الاعتبار= ويتزايد مع طريق الوفا في كل عام
وإن نصاه اللي زمانه مشابه فانحدار = ينجلي همه ويصبح على أحسن مايرام
كامل الشارات نطاح قالات كبار= نادر بالمرجله في لأمجاد حام
طيبه أفخر به حقيقه ولا فيها نكار = وافتخر في فعل ربعي ليا طال الخصام
((آل زايد)) تاج راسي مرخصة العمار = عند خضر الغرس ولا ورا سود الجهام
بالسيوف الحدب والا سريعات المثار= تنعرف هداتهم كل كل مامس الحزام
لابتي من فضل ربي تحقق لانتصار= بالسيوف اللي كبود الرجال إلها طعام
ربعي أهل الجود ومتيهة جل العشار= فوق عوص الهجن والامثورة العسام
يحتمون الفطر الشيب نساع الفقار= لاتجلا الستر عن وجه زاهية الوشام
وإن وزاهم خايف مالهم عنه اعتذار= يدخل ويامن ببيت الشعر ولا الخيام
مثل ماجا بن مطرف بعد نير ونار= يوم عدته القبايل وجاهم ياسلام
قالوا انزل ولك في دارنا حشمه وكار= وكبر وسادك وبشر عيونك بالمنام
ثم فاجانا الشريف بن هاشم بالمغار= طامع بدخيل قوم فعايلهم جسام
مالقا من حربنا إلا غبينه وانكسار= قتل واصحابه عن الموت قالوا لانهزام
تمت وصلوا على اللي بقول الحق سار= عد نسناس الهبايب ومن صلى وصام
وسلامتكم
الشاعر / محمد بن باني بن عقاب ال عيسى المخاريم