[معلومات العضو الودعاني الشرقي]

هلا ما تجمع من سحاب قديــــــره = وما فاض براق وما هــــــــــلت أمطار
وما سال سيل وفجر الحزم سيره = واصبح احشاد السيل بالروض محتار
وغنا الحمام وناح عقبه نظيـــــره = ورق يشيد النوح لي بان الاســــــــفار
بعد العصر جتني من الشيخ سيره = خط وأمثال وذكر اهل الكــــــــــــــــــار
أهل وعمان وخوال وجيـــــــــــــره = اللي لهم بين الورى حسن الاذكــــــار
يا ما سما ذكر لهم في العشيــــــره = وسارت محاسن ذكرهم بين الأخيـــار
شادو وشادو من قصور كبيـــــــره = ومجالـــــــــــــــس فيها ذرى كل زوار
تهنا لهم ايامهم البريــــــــــــــــــــره = وتفرح بذكراهم عزيزين القــــــــــدار
لو قيل لك انهم يروحون ديـــــــــره = من دارهم فاصدق القول ما صـــــــار
اذا اراد الله امر يديـــــــــــــــــــــــره = لي جاء القضى وحل القدر تعمى الابصار
واحمد شكا لي يقول قفا عشـــــيره = عنه وخلاله الحســـــــايف على الدار
ولا درى عن غايته في مســــــــيره = عنه اختفى والله عليم بالأســــــــــــرار
ياشيخ عاقات الهوى هي خطــــيره = كم و كم واحد منها شرب كأس الأمـــرار
احمد عشيرك ما تعدى الجزيــــــــره = جزيرة البحرين ما بدل الــــــــــــــــــدار
حنا سئلنا عنه ناس كثيـــــــــــــــــــره = محد عطانا عنه توكيد الأخبــــــــــــــــار
جينا الجسر نسئل وجانا مديـــــــــــره = وفتش جوازات الســــــــــــــفر كل زوار
ولا وجد له في الجوازات ســــــــــيره = ورحنا المطار وقالوا الشـــخص ما طار
ورحنا الى الميناء وفيها خبيــــــــــــره = ابن عمر مبارك منوت الجــــــــــــــــــار
وطالع جوازات السفر مع خشــــــــيره = ولا وجد له في الجوازات مصـــــــــــدار
ان كان امر من عليم السريــــــــــــــــره = امر القضى يجري ولا تفيد الأحـــــــــذار
ابشر نعطيك فيه ريم نظيـــــــــــــــــــــره = ريم ربى ما داس سيئات الاخطـــــــــــار
ريم الى شفته بعين البصيـــــــــــــــــــــره = ما تهتوي غيره وهو قرة الابصـــــــــار
غض النهد راعي نهود صغيـــــــــره = ما هزها طفل ومحمية الثــــــــــــــــــــار
على صدر كالديباج ناعم حريــــــره = وعين كما عين الوحش ما بها انكـــــار
من من لهم تخضع وجيه لغيره = خطلان لبدى لي حما لاهب النــــــــــــار
وان كان جفوا منه جافي عشيره = خله ولا تندم على كل ما صـــــــــــــــــار
يابن محمد انت مشعل عشيــره = كل العذارى شابه فيك الانظـــــــــــــــــار
من لابة تسقى العدو ما يذيـــــــره = لي صار مابين الفريقين ما صـــــــــــــار
خليفية اهل الوجوه الســــــــــــفيره = شراية العليا وحماية الجــــــــــــــــــــــار
ولي يود من لايوده ضريــــــــــــــره = مثل الذي يبذر صلابيخ وحجــــــــــــــار
اجف الذي يجفاك وجفواه خيـــــــره = والنفس عزها على طيب لذكـــــــــــــــار
كم عانقتنا من ليال عســـــــــــــــيره = شفنا العنا منها وعاقات لقســـــــــــــــار
وكم في الهوى من مشكلات كثيــــره = والهوى عاقاته صغيرات وكبــــــــــــار
وراعي الهوى يمشي دروب خطيره = ولا يوقع غير الي ذاق الامــــــــــــــرار
وراعي الهوا يطير في الفي طيره = ويمشي بها ولا يفكر بالخطــــــــــــــــــار
خذ هاذي هي مني نصيحه قيزه = واعرض وفاها صوب وافين الاشعار
والكبر عانقني وبين نذيــــــــــــره = والشيب لاح وكوكب الشعر منهــار
وسلم ودم تنظم من الشعر غيره = والله يجيرك من تصاريف الاقدار