السلام عليكم ورحمة الله وبركاته
هذى قصيده قالها جدي اللسان في الحقبان في هية الحقبان وآل مره
هيه ياربعن تبون الحسا ياطارشين =ياهل العيرات ياكاربين حبالها
كلمة بقولها للذهين اللي فطين =كلمة بقولها واحذروا بدالها
قولوا الحقبان نعم ياللي حاضرين =ادوا المجهود بأمانهم وافعالها
نعم ياربع المصارير لاجا الوجه شين =حصلوا كسب النواميس في مجالها
فنعم يالحقبان زادوا على الديان دين =تلعن اليمنى الشياطين هي وشمالها
صايحاً مازعزع العود اللي غافلين =زايد ياضايع القول ياخمالها
كان جاك العبد يومي بكفه له رطين =مثل سيل (ن) بالمحانيب كض جبالها
آل زايد هم هل المدح وهم المحتضين =هم شبوب الحرب في ليله وامثالها
كل منهم حامي (ن) ديرته ماله عوين =كود سبرات النظر في يد نقالها
كم شجاعاً فرقوا بين وبين الخدين =تدهله له ذيبتن تنقله لعيالها
ليت منهو حاضر (ن) عندهم ياسامعين =تبرد شبوب اللواهيب من عذالها
صلب أبوي اللي كفانا وحن غايبين =واستوى الناموس يازاهيه جمالها
وسلامتكم
تقبلوا تحياتي
فـ الجفيدري ـرجي