أبيات من قصيدة طويلة قالها الشاعر المرحوم سعود بن عبدالعزيز الودعاني الدوسري
لما اطلع على قصيدة المرحوم الأمير محمد بن احمد السديري ، وأطلق عليها الملحمة الودعانية ، تتكون القصيدة من 122 بيت .
ياباغي عرفي أنا من عشـــــــيرة
دواســــــــــــر من آل زايد جاه
دواسر ما يرخصون ابزبينـــــــهم
لو طالـــــــت الدنيا وهم بحماه
دواسر لي طنب الوقت عســــــره
شادو على عسر الزمان رخاه
يفكون قالاه ويشفون مثــــــــــلها
ويحمون من شــر العدو علاه
ويفكون من جاهم مصاب أبمالهم
وبعروضهم ولا يبون جــــزاه
وقصيرهم يارد صفى الورد قبلهم
وعزيز ولا يكدر ورود صـفاه
وهاذي عوايدهم خذوها وراثـــــة
كل واحد من واحد يــــــــقفاه
ولو كان شانوا في القرابة بينهم
عند اللزوم يعين من يــــــخاه
عند اللزوم تلقى ألحميه بينـــهم
الكل يحمي صـــــاحبه أبيمناه
انشد نبا التاريخ عن ماضي لهم
يشــــهد به التاريخ عن نباه
وانشد أديب المجد نور السدارى
الدوســــري اللي عظيم رواه
أمحمد المرحوم عن ما بدا لهـــم
وعن ذكرهم وما سطرت يمناه
والملحمة تشهد فضائل ذكرهـــــم
وما قاله الشاعر عظيم الجاه
واللي مضى منهم عليه رحمة الله
واللي بقى الله يديـــــــم بقاه