قصيدة من الحكم للشاعر المعروف/جزاء بن صالح الحربي ،، وهي
من لا يعرفك ما يقدر مقامك= ومن لا يميز بالبشر ما عرفها
واليا احترمت الناس زاد احترامك=والناس عز نفوس من شرفها
وشكواك للي ما يثمن كلامك=دمعة يتيمن من عيونه ذرفها
وان قلت لي مشروه يمك علامك=عليك غلطات الموالي حرفها
ورفقتك للي ما وفى بالتزامك=يزيد بالنفس العزيزة سرفها
إليا صار ما هو باللوازم احزامك=نار العداوة يم بيتك جرفها
واللي مرامه ما يوافق مرامك=لابد له نفس يبين هرفها
وان قلت مخطي حاضر في ملامك=وعليك بعض المشكلات اغترفها
لكن تبعد لايتهمز إعظامك=يقلب عليك السالفة من طرفها
اليا صار يقهر عن مقامه احيامك=ما همته حال الرفيق وروفها
وأقول وقتك وان غدر بك وظامك=تكثر عيوبك والعدو احترفها
وترى ندمك وعظتك في إبهامك=أخير من لطم الخشوم ورعفها
وحظك اليا ساعدك يبني اخيامك=ودنياك وان جت لك كثير ترفها
وان بار بك حظك سعى في هدامك=وأرزاق ربي عن جنابك صرفها
واقرب قريبن ما يفز بسلامك=لو أنت من ناس عزيز شرفها
وسلامتكم جميعاً ،، وتقبلوا خالص تحيات أخوكم ومحبكم في الله/ صالح الجعيدي