[معلومات العضو الودعاني الشرقي]

مما قاله الشيخ الشاعر احمد بن محمد بن خليفة بن حمد آل خليفة شاكيا إلى الشاعر سعود بن عبدالعزيز بن عبدالرحمن الودعاني الدوسري ، ويتذكر الدواسر عندما كانوا في البديع.في 4/ أكتوبر / 1987 م . الجســـرة

ياطارشي من فوق جسر الجزيرة = اركب على اللي يسبق الطير لي طار
خذ موتر ما في الجزيرة نظيره = واعبر إلى دار بها الربع الأخيـــــــار
واقصد من الدمام شيخ العشيرة= سعود لطام العدى حامي الجـــــــــــار
واشرح له أحوالي ولا تستثيره = حيثه بساعات ألوفا من هل ألكـــــــار
قل له ترى أحمد راح عنه عشيره = وأصبح من الفرقا حزين ومحتـــــــار
من فقد خل كاوي له ضميـــــــــره= اللي دعا دمعه على الخد نثــــــــــــار
على الذي ما في فؤادي خشـــــيره = الجادل اللي ساحر كل الأنظـــــــــــــار
ما لاق لي بين العماهيج غيــــــــره= أيضا ولا غيره من البيض بختـــــــــار
بيحت أنا عقبه بخافي الســـــــــريرة = وما شوف لي سلوى ولا نيب صبــــار
سافر ولا ادري حل في أي يــــــــــره = ومن بعد فرقا صاحبي شانت الـــــــدار
والله لا ادري وين غاية مســـــــــيره = لا جيه لو هو في بعيدات الأقطــــــــــار
لكنه أخفى والحشى في سعيــــــــــره = وأشوف طيفه في عيوني ولو ســـــــار
ومصيبة الفرقا تراها كبيـــــــــــــــره = ولي حب قلب ماسمع كثر الأعـــــــــذار
ويش الحول ياسعــود عيني سهيره = متسودن بين الحسا يف والأفكـــــــــــار
أبقى النصيحة وأنت باقي الذخيـــــرة= وأنت الذي بالعشق تدري بالأســـــــرار
وارجي جواب منك فيه البريــــــــــره= يالخال ياللي يمدحونك بالأذكـــــــــــــــار
كانت بكم ارض ( البديع ) نويـــــــره= ومن عقبكم شانت رباها والأشجـــــــــار
تذكر قروم من فروع كبيـــــــــــــــــره = دواسر ياما بها شــــــــبوا النـــــــــــــار
شاهدت أنا ذيك القصور المنيـــــــــرة = وأنا صغيـــر واقف بين الآثــــــــــــــــــار
واسايل الشيبان من كل ديــــــــــــــره = عنهم وتبكيني من القوم الأخبـــــــــــــار
غابت من الدار الوجيه ألســــــــــفيره = وأمست مبانيهم من العز تذكــــــــــــــــار
لي مر بها العارف بتلك العشـــــــــيرة = يقول ياليت الذي صار ما صـــــــــــــــــار
والحر تبقى له إذا راح ســـــــــــــيره = والدهر ما نعرف صروفه والأقـــــــــــــدار
يشدني ذكر النشامى بحيـــــــــــــــــره = ويهزني لي طفت في الدار مــــــــــــــــرار
وامسح من الذكرى دموعي الغزيـــرة = حزن على وطر تقضى بالاوطـــــــــــــــار
ياســـعود ياراعي البصر والبصـــــيرة = ذكرت ( البديع ) مع الأهل الأبـــــــــــــــرار
من كل قرم تذكر الناس خيــــــــــــــره = مجالسه يخلط بها البن ببهــــــــــــــــــــار
واسمح إذا صارت حبالي قصيــــــــره = في الشعر وأنت اللي سموح وعــــــــــــذار
واسلم عدد نبت نمى في حفيـــــــــــره = أو عد ما غنت على الروض الأطيــــــــــار
في صحة معها السعــادة خشيـــــــــره= وعمرك عساه يطول من بد الأعمـــــــــــار

وهناك رد من الشاعر سعود بن عبدالعزيز بن عبدالرحمن الودعاني الدوسري على هذه القصيدة ، سوف أقوم بإرسالها لاحقا