[معلومات العضو فهد الغريري]

دايم تقصر وفي عيبك ما تشوف=والمعرفة دربها يم جوك مقطعة
ودي أعرف وش سبب هذا العزوف=أوأنت هاوي تعذب قلبي وتوجعه
يا معاند حيل لا تعذر بالظروف =الظروف أنت بافكارك تصنعه
لو تشوف الحال كان يمكن تروف=يوم بعثرت المحبة لمه واجمعه
يا صخيف الروح خل لك لي عطوف=لا تخلي الهم قلبي مرتعه
ما حلى جمع القلوب وذا معروف=وما يعرفه كود من فرقاه توجعه
ما يعرفه إلا من تولع بالهنوف=رقاقة الملمس والحلى في مدمعه
صاحبي ما يصدق بالحلوف=وما يفرق بين تصدق او تكذب معه
لو تجيب السوق وبالحلي تملى الكفوف=ما يفيد ويمكن المرسول يصفعه
يا ابو محمد ععطنا رايك وش تشوف=انقطع قلبي ومعاليقه تتبعه

الشاعر الكبير قدر(ن) ومكانه صاحب الابداعات الفريده التي تبهج الناظر


وتسر الخاطر وتملك الفوأد بما تحتويه من عذب القوافي ونظمها.


الاخ العزيز الشاعر المجّيد ابوصالح " عبدالكريم البليهي الودعاني"


صح الله السانك وعتلا شانك في سماء المعزه والمقدره


نعم عبدالكريم البليهي اذا ذكر الشعر والشعراء تذكر في مقدمة الركب.


ولا ادري من هو ابو محمد الي تقصده في القصيده؟؟


اكرر شكري وتقديري واحترامي في شخصك العزيز يابوصالح


اخـــــــــوك/ فــهـــد الــغــريــري,,,