تذكّرني و لو لحظه من الماضي=تراني في انتظارك لآخر اللحظات
سهيرٍ ما طرى لعيوني اغماضي=و قلبي مخطرٍ ينكع من النبضات
تحسب إني على طول الجفا راضي=بلاي اكتم ونيني و اجحد النفضات
اروح السوق مدري وش هي اغراضي=و أعوّد منه مدري وش هي الموضات
اخلّي كل شغلٍ لي و لك فاضي=و مهما كان ما اقبل فيك تعويضات
متى وجه الرضا من يمّتك ياضي=متى شمس السعادة تبعث الومضات
تعال ان كان لك نيّه و نعتاضي=ترى سود الليالي طبعهن نقضات
بدل عطفك علي تلحقني الشاضي=تزعّلني و أنا أدوّر لك المرضات
طويلاتٍ همومي منك و عراضي=تزيد بعلتي ما منك تخفيضات
تذكّّرني و لو لحظه من الماضي=تراني في انتظارك يا اجمل اللحظات