[معلومات العضو شوق2]

انا احمد الله لابتي من إشيمها = الين والشده و بالضيف ترحيب
من قارب الاخيار ناره شعمها = ويشره على السبقات عجل المهاذيب
واشوف لي ناس وهو من غمها = تصدني عن نيت الخير والطيب
تقو عليها والفرص من غنمها = يحوش بالدنيا جميع المطاليب
ومن لا على نفسه تقوا او فطمها = يصبح ظميره بين حر ولواهيب
نفسي تعاتبني وهو من كرمها = تقول حذراك إنتبه ماقف الريب
تقول بالك حشمتك من حشمها = ومن لا تعظ بالغير شاف التعاجيب
ترا العفون عفون لو تحترمها = مايصلحون اضيوف ولا معازيب
اقل ماسن الرماح ودجمها = دجمٍ مع الانذال فيهن حراديب
ماكل من رام المراجل كظمها = ولا كل من راد المها جانب العيب
ولا كل من يفهم امور كتمها = رعديدي مايقدر على الصبر رعبيب
و لا كل من سير إجموع حكمها = تطالع عليه الشمس عقب المغاريب
و لا كل من خاصم اخصومه خصمها = عصمات الاريا عند حصن المطاليب
و لا كل من يزرع ازروع صرمها=و من فضل الراحه تهيب ولا هيب
و لا كل من حاول إعقود نظمها = و علمٍ بلا عقلٍ دمارٍ بلا ريب

	الله يرحم الامير رحمه واسعه ويسكنه فردوسه الاعلى وعزالله ان الي مثله و بذكره وشيمته وافعاله مايموت 0 ومشكور اخوي هايف العماني على اتحافنا بها وبيض الله وجهك0