يالله انا طالبك يا سامع الجابة=ياللي كفيل بنا مايجهلك خافي
طالبك نوٍ من المنشا تجينا به=يبرق ويرعد وحسه له ترجافي
اربها منه ترجع ديرة اللآبة=يشاف نوارها عقب المحل زافي
ربعي هل الراية العليا لهم جابة=ودّاية جارها لاجا له أتلافي
قصيرنا لانزل ماهوب يعدابه=يامن ويمشي على الحدان ما خافي
لامدنا الله دعينا الجار واقرابه=وربوعنا اللي لشرع الجود عرافي
مر على صيدنا لامن ضوينابه=ومر صحون عليها السمن ذرافي
بالكف كشف يشوق العين مضرابه=كن الدبى في ظهرها له تسرعافي
تهيا لغمرٍ صلاة الصبح يشقا به=ماهوب يضحي في مرقده دافي
اما بها صاد ناموس وتسموا به=والا ومن به عقاب النشر لاخافي
صيده لربعه وللضيفان لا جابه=ولا عاد صيد الردي ماهوب ينشافي