|
قصيدة المستشفى
بسم الله الرحمن الرحيم السلام عليكم ورحمة الله وبركاته وبعد00000 اود المشاركه معكم بقصيده للشاعر/فراج الصيفي الغييثي الدوسري بعد كسر ساقه وادخل على اثر ذلك المستشفى وكنت مرافق معه وعند الساعه الرابعه فجرا صحيت من النوم واذا به صاحي قلت عسى ماشر يابو الصيفي وشفيك صاحي قال عان اللي مع الدريشه واذا بالبرق يبرق قال اسمع/
تسعين ليل صابرا بالشكيه =في حجرتي مارحت عنها بعيدي عيت تفيد حبوب من الصيدليه=يشرونها لي مير عيت تفيدي دنو لنا اللي يقرب الخد ليه=هاتوه من المعرض وتوه جديدي ركابه اللي عارف كل شيه=لا لمس خشم البنص عدوه يزيدي يامزينه لا اعترض له جرهديه=من منوته روس المبادي البعيدي بنحره منهو شفيق ن عليه=الشايب اللي رحت منه بعيدي اقفى مع اللي يمنعون الرديه=وان جاء الملاقا ينحسون الضديدي علمي بهم من عند صلب هجريه=ذيدانهم ترعى نبات جديدي وجدي عليهم وجد راعي ضميه=في كنة الجوزاء وربعه بعيدي وسلامتكم000 يقصد بالشايب : اخوه الكبير بطحان. ويقصد بهجريه : مكان في الدهناء. وللشاعر فراج عدة قصايد فكاهيه سوف اسردها المرات القادمه |
صح الله لسان الغييثي وسلمت أناملك اخوي ذيب على النقل والعذر والسموحه يابن عمي على التنسيق وايضاً النقل ولاتبطي بجديدك ،، |
أخي الغالي/ ذيب المساري ،،، مرحبا والله ومسهلا ،، ياطيب القصيدة وياطيب راعيها. لا هنت وبيض الله وجهك على النقل الجميل. صح لسانك ولسان شاعرها/ فراج الصيفي الغييثي. و لا تحرمنا من جديديك يالسنافي. وتقبل تحيات أخوك ومحبك في الله/صالح الجعيدي |
صح لسان الشاعر/فراج الصيفي الغييثي الدوسري
وسلمت يمناك على النقل المتميز وكثر من ذا العلوم |
لا هنت وبيض الله وجهك على النقل الجميل.
صح لسانك ولسان شاعرها/ فراج الصيفي الغييثي. تقبل تقديري واحترامي |
لاهنتم
الاخوان(ابوفهيد وصالح الجعيدي وفهاد الغييثي وال جزاء)
اسعدني والله مروركم بموضوعي والاشاده به ولا هنتم |
السلام عليكم ورحمة الله وبركاته
صح لسانك ولسان الشاعر ولاهنت على المشاركة الجزيلة يالقرم والله يوفقك . |
اخوي فهاد شكراً لك اخي الكريم على هذا المرور الطيب على مقالي
وسعدة جدا به |
الساعة الآن 07:46 AM
 |
Powered by vBulletin® Copyright ©2000 - 2025, Jelsoft Enterprises Ltd.
---