::: مـنتدى قبيلـة الـدواسـر الـرسمي ::: - اقوى المحاورات في المنتدى2

الاخوه الاعزاء ناسف لهذا التأخير لاكن مثلكم عارف البر اليومين ذي ياخذ العقل غلمسنا اليومين اللي راحت لاكن نعدكم ماتكرر

اليوم اخترنا لكم رديه بين الشاعرين الكبيرين (مسعود المقيبلي و العود ابوحاجوووونه)

الليله الليلـه يابوحاجووونـه=بذكرك عهد الصبا اللي زلّـي
العود لا طاحت جميع سنونـه=يجلس بروضة مسجده ويصلي

يامرحبا ياصاحبٍ وش لونه=اللي على خطه وصلته كلي
والعود لانفص عليك اعيونه = بتقول علّه للفنى لاعلّـي

دام البقا والنفس لك ممنونه=وعاداتنا بالطيبيـن نهلـي
اصبر وتسمع كلمةٍ موزونه=بس انتبه للقافيه وافطن لي

حرك لنا البابور يمشي دونه = ياسايـقٍ مـن وقفتـه ماملـي
ومش الطريق وغيركم يمشونه = والى زعل خاطرك بالله قلي

ليت الحكومه صارفه لك شونه=تخليك عنا بالوسـاع تولـي
ياشايبـاً شبتـك باليمـونـه=هلي علينـا ياسحابـه هلـي

الصاحب اللي ماعرفت اظنونه =لاطاح قام ونحسب انه خلي
ماهوب كيفي رد يابن التونه = ونا اعرف انك بالعراش اتفلي

العام يومنك على الصابونه=تاخذ من حتات العرب وتخلي
واليوم اشوفه بادياً بك خونه=علي قلبك يالصحيب مغلـي

ماهمني ياصاحب المزيونه =انا معك مبسوط لـك متسلـي
بعض العرب لاباح لي مكنونه =ترفض روابعنا معه وتشلي

العود لاغنا جديـد لحوووونـه=قامت هواجيس الشعر ترسلـي
الربع قالوا في عصاك البوووونه=اهب ياذا العود يا(اسعـد قلـي)

دام المشاعر عندكم مرهونه = بدلعك يابن الاكابر (دلـي)
زين العصاء مني وفوق متونه = لين ايتذكر كلمة المتبلي

العود هـذا نيتـه ملعونـه=ابليس ماسك جرته بالملـي
اصبر على جدك تخرج جنونه=ويصلح الغلطات شين الدلـي

ابشر ونا جدك رع الحاجوووونه = الموت لجلك يافتى بيحلي
بسوقها ياصاحبي لعيونه=الى انتحر عودك تـراه امولـي

العود وجهه يالربع وش لونه=لو صار حاج المنتدى متولي
عودٍ قرنبع لو مشى طبلونه=روّح رفارف والبدي متدلـي

سمّو رفيقي كان بتسمّونه=الـورع ينفـخ واجبـه ماحلـي
والى كتبت الخط مايقرونه = من فوق رمش العين حط الظلي

يالربع عود ابليس لاتغرونه=ترى العجوز تشرف المتعلي
قدام ننبز عودكم بزغونـه=ايلين يجفل لاحترك له ظلي

حسبي على اللي بالخفى يعطونه=تحت البحر يمشي ولا ينبلي
والعود ون حرك لكم ذانونه = يفرش لك ابدربك سوات الزلي

انتضرونا في العدد القادم