البارحه ليل المعنى طويلي =بغيت انام وجنّب النوم عني
من أول خير الدلايل دليلي=واليوم شينات السنين اخلفني
ابعد علي النوم يومي وليلي=ومخالب الفرقا بعيد ٍ رمني
ارقد خلا مثل الغرير الهبيلي=حتى صديقي ياعلي صد مني
لعبت ليالي علّتي في حصيلي=ومن الندم طقّيت بالظفر سني
الثلج عيّا لايبرّد غليلي=وسود الليالي بالمخاطر رمني
يبست جنوبي لين قالوا عليلي=وحبالي اللي طايلات قصرّني
امس وانا ثوبي عريض طويلي= ومن الظفا فوق الفتون متثني
واليوم مايستر جنوبي شليلي=وأصبحت من فرط المقادير كنّي
رجم على جو نزوله رحيلي=افقت ظعونه يمه امس اقبلني
اجاوب الساري وجسمي نحيلي=يابس ظما والما وروده تحني
أتابع العبرات من قل حيلي=وفجايع الدنيا الخبيثه وطني
أخذت احسّب بين عدلي وميلي=وهذا طبيبي يشتغل مايوني
ربعه عدوني والزمان يعدي لي=العلم وقّف والعوادي عدني
ودخلت مجهول سواده يهيلي=شفار ٍ تقارع مع حديد ٍ يسني
متى الليالي الطيبه تستوي لي=واشوف بدوٍ مع دبشها تغني
في وسط روض ٍ تو وبله يسيلي=فيه المها رتّاعٍ أو يمرحني
وبني بدو كالرواما الجفيلي=الكل منهم بالحياة متهني
تلع الرقاب معذبات الخليلي=بقلوب طرّاد الهوى يلعبني
مثل الخشوف رقاب ياكبر ويلي=الى اعرضني قدامي او اقبلني
يلهون راعي الذاهبه بالقليلي=يسري وهو ماحاش غير الهبني
اقفى من الما طاوي الصميلي= اثر البنات البدو مايرحمني
يقول بالزينات هذا سبيلي=طريح حب طاح بنحوركني
انا المحب اللي تركتوا قتيلي=الله عليكن كيف ما ترحمني
من كل تلعا يوم نوّى النزيلي=على الشديد بعيرها العدل دني
وراحت تخطّى مثل غصن يميلي=غصن يميله الطرب والتثني
بنت لعوب ماتعرف العميلي=مثل الاصيل الى اوقفوها تعني
جسم تماري به وطرف ٍ كحيلي=تسلب فواد اللي جداه التمني
من شافهم خلا حلاله هميلي=يبا السلامه والبني يجرحني
ياتل قلبي جت زمول المكيلي=وشدوا عن الما والنجوم ظهرني
وقاد السلف مثل البداوه مثيلي=ظعونهم قبل الفجر يرحلني
بدر تفك الملتجي والدخيلي=وترمى العشا يوم الذياب يعوني
بدو الى ركبوا بنات الاصيلي=من واحد خلوه درك يوني
بدو تشب ضويها يالطويلي=للضيف واللي من بعيد متعني
بدو يهتمون الردي والبخيلي=الشيخ يشمت والبني يشتمني
في ساعة ماهوب يخفى الذليلي=قلطاتهم وافعالهم ماخفني
((اولاد زايد )) كاسبين الجميلي=ياما وطوا من خايع ٍ مرجهني
وياما اشعلوا نار وشبوا فتيلي =الى ادلهمن الفتن وارجفني
يرعون طرش كالسحاب المخيلي=في ساعة فيها الشهر يلبسني
يرعون الطرف بين القبيل وقبيلي=بخضر النمش كان النيامس هبني
كم مايق ٍ برماحهم شيل شيلي=وطنّه الزلبات بحذيّهني
وقعد طريح غادي ٍ له عويلي=وحوش الخلا من غاربه ينهشني
والضيف يلقى له ظلال ومقيلي=وكرامة كان السنين امحلني
عسى الوسم بديارهم يستخيلي=البرق يلفح والمزن يرعدني
ينثر من الما في ديار محيلي=حتى زبار المندفن يمتلني
وعساه يسقي مهدبات النخيلي=هاك الغروس اللي سعفها متحني
ماهوب قول يقال ولا هقيلي=مغدّرات من الحيا ربعني
ترتع به الفطّر كبار الشميلي=خور تلاد من عصور مضني
اقولها والله بخلقه كفيلي=عسى ديّرهم بالحيا يرجعني

((اولاد زايد )) كاسبين الجميلـي=ياما وطوا من خايـع ٍ مرجهنـي
وياما اشعلوا نار وشبـوا فتيلـي=الى ادلهمـن الفتـن وارجفنـي
يرعون طرش كالسحاب المخيلي=في ساعة فيها الشهـر يلبسنـي