|
كل ماصوت هيه (اخوان ساره) / علموني كيف كبر المستوى !
بسم الله الرحمن الرحيم
السلام عليكم ورحمة الله وبركاته متواضعه .. أتمنى أن ترتقي صلوا عـ النبي
مانيب من شعّار باكيت وزقاره = تركد الراس المصدّع لاخوى ولاعرفت العربده في كل حاره = بين (سِيرة الحب) او (قانا الهوى) حاشمِ شخصي وحافظ له وقاره = واكره النقاد واهل الفهلوى كل ماصوت هيه (اخوان ساره) = علموني كيف .. كبر المستوى ! ان زهمت الشعر جاني في عباره = وان بغيت اطويه جاوب وانطوى مقعدي خذته بحنكه وبجداره = وبكبر عقلي .. وقيفاني سوا ان كان عيبي شعر وابياتي عياره = عيروني فيه والغاوي غوى وانت ياللي تحسب ابياتي تجاره = ما حزرت بليز او مالك لوا شوف غيري يا حرام ويا خساره = واستغله كان ريقك ما روى والا انا شعري تقدّح به شراره = مابقا فالقلب عرق ومانكوى كل ماشنيت للاشواق غاره = غار جرحٍ في دجا ليلي ضوى الحزن / بندق شجاعٍ ضاع ثاره = والفرح / غصنٍ من الرمضا ذوى مانوينا لليالي بالقشاره = غير طاريها على الضيقه نوى ناخذ البسمه من العالم بشاره = وانتفاجأ في خبيث المحتوى ! والزمان ابه الحلا وابه المراره = والشكر للي على العرش استوى والكفر في نعمة الله وقراره = تزعل اللي بشّر بـوادي طوى جعل مامنا كتابه من يساره = عقبها ما عاد للعله دوى ! وسلامتكم اخوكم / ماجد المهنا |
الشاعر القدير ماجد المهنا
يسعدني ان يكون اول من يعانق هذه الرائعه صح الله لسانك مدد مهوب عدد ودمت مبدعا يابوعبدالله تقبل تحياتي،، |
صح الله لسانك
وقصيده جزله من شاعر متمكن لاهنت يالغالي ولاتحرمنا جديدك |
صح لسانك ،، وقصيده جزله من شاعر جزل ،، لاهنت ،، ولاتحرمنا جديدك يالغالي ،، وتقبل تحيات أخوك ومحبك في الله/صالح الجعيدي |
مانيب من شعّار باكيت وزقـاره=تركد الراس المصـدّع لاخـوى ولاعرفت العربده في كل حـاره=بين (سِيرة الحب) او (قانا الهوى) حاشمِ شخصي وحافظ له وقـاره=واكره النقـاد واهـل الفهلـوى السلام عليكم ورحمة الله وبركاته الشاعر الكبير : ماجد المهنا كما عهدناك صديق للأبداع والأبداع حليفك أبو عبدالله أنت فوق المدح وعبارات التمجيد فصح الله لسانك وإعتلا شأنك وبيض الله وجهك تقبل ودي وتقديري من محبك : دغش البطي |
اقتباس:
|
اقتباس:
مانيب من شعّار باكيت وزقاره = تركد الراس المصدّع لاخوى ولاعرفت العربده في كل حاره = بين (سِيرة الحب) او (قانا الهوى الشاعر الكبير وملك القوافي / تكرم والقراء الكرام من الزقاره والعربده فأنت من روس رجال كريمين وصح الله لسانك ولاهان الله منطوقك ان زهمت الشعر جاني في عباره = وان بغيت اطويه جاوب وانطوى مقعدي خذته بحنكه وبجداره = وبكبر عقلي .. وقيفاني سوا ما قلت سابق أنك ملك القوافي التي تنحني لك تقديرا وإجلالا أبو عبد الله لا تحرمنا من كل جديد |
اقتباس:
قمة والله قمة ورفيعة مستوى .. صح لسانك اخوي الشاعر الكبير/ماجد المهنا .. على القصيدة الجـزلــه ولاهنت .. سجل إعجابي للمره الغير معدودة.. |
ماجد المهنا
غني عن التعريف صح لسااااااااانك مدد الله لايهينك على هذه الفاتنه |
ان زهمت الشعر جاني في عباره = وان بغيت اطويه جاوب وانطوى مقعدي خذته بحنكه وبجداره = وبكبر عقلي .. وقيفاني سوا ان كان عيبي شعر وابياتي عياره = عيروني فيه والغاوي غوى وانت ياللي تحسب ابياتي تجاره = ما حزرت بليز او مالك لوا شوف غيري يا حرام ويا خساره = واستغله كان ريقك ما روى والا انا شعري تقدّح به شراره = مابقا فالقلب عرق ومانكوى كل ماشنيت للاشواق غاره = غار جرحٍ في دجا ليلي ضوى الحزن / بندق شجاعٍ ضاع ثاره = والفرح / غصنٍ من الرمضا ذوى مانوينا لليالي بالقشاره = غير طاريها على الضيقه نوى ناخذ البسمه من العالم بشاره = وانتفاجأ في خبيث المحتوى ! |
اقتباس:
يابو عبدالله صح اللسانك والله يطول عمرك |
الشاعر القدير ماجد المهنا
صح الله لسانك وطول الله عمرك قصيدة رائعة من شاعر أروع ولك وافر التحية |
هايف العماني
وجودك <<< الأنصاف بعينه صح بدنك ولا خلا ولا عدم |
سعد المقابله
صح بدنك اسعدني مرورك العذب لاتحرمني تواجدك لاهنت |
صالح الجعيدي
يا مرحبابك مليوون صح بدنك اسعدني تواجدك ولا خلا ولا عدم |
الساعة الآن 12:29 PM
 |
Powered by vBulletin® Copyright ©2000 - 2025, Jelsoft Enterprises Ltd.
---
