|
قال الصبي الزايدي هاض رسله
هذه قصيدة للفارس المعروف خضير بن شامان الهوامله الفرجان الدوسري ولا تخلوا من الحماسة .
قال الصبي الزايدي هاض رسله= بأبيات من زين الغنا يستثيرها يطلب وليه ينقض العسر بالرخا=ويسقي مداخل الصخيف وضيرها هوى القلب ممشى الر ِجل وسط عرفه= وسمية جا من مطرها غثيرها يازينها بأول نباته اليا انتشر=بذرعانها السمحات تتطرق غديرها انا احب ذودي حب راعي غرايس=صفيف ٍ سوانيها على جال بيرها لامن مزون والوسم لاحت بروقها=قامت مع الهجعه تلاعج فطيرها ياسم بها حل الصفاري مهدد= ابودقها واخو نوادي عشيرها رعينها في الحزم تسعين ليله=لين العشاير طار منها هجيرها في المردمة والحص منا منازل=ضياننا بانت على مستنيرها ضعنا رجوح السير من يمة العدا=بقب ٍ يسوق الضد منا نثيرها فيسقي لاراحت مع الفاو مقفيه=لدار ٍ بها البدوان دايم تميرها خشــــيرة للــدق والجــل والمـــها= وخشيرة للوضيحي والوضيحي خشيرها فجحاً من الماطا الى زر وركها = كنها كسير ماتلاشا جبيره المصدر : رياض من الأدب الشعبي |
أخوي العزيز/ هايف العماني (( أبو مبارك))
أشكرك على امتاعنا بهذة القصيدة الجزلة وصح لسانك ولسان قايلها والله يعطيك العافية وتقبل فائق التقدير |
فيسقي لاراحـت مـع الفـاو مقفيـه=لدار ٍ بهـا البـدوان دايـم تميرهـا تخالط بها حـم الـذرا هـي والمهـا=شجرها عبلها والوضيحـي حميرهـا صح لساااااااااان قايلها وناقلها بيض الله وجهك يا ابو مبارك على ايراد هذه الرائعه لاهنت يالقرم وعسااااااا عمرك طويل لك جزيل الشكر وفائق الاحترام اخوك/ابن وتيد |
رئيسنا الغالي/ هايف العماني (( أبو مبارك)) أشكرك كل الشكر على امتاعنا بهذة القصيدة الجزلة،، الله يمتعك بالعافية. وصح لسانك ولسان شاعرها/خضير بن شامان الهويملي وتقبل خالص تحيات أخوك ومحبك في الله/صالح الجعيدي |
عوايد يالاد زايد
|
صح الله لسانك
ورحم الله الفارس خضير بن شامان ولاهنت يالغالي
قال الصبي الزايدي هاض رسله= بأبيات من زين الغنا يستثيرها يطلب وليه ينقض العسر بالرخا=ويسقي مداخل الصخيف وضيرها هوى القلب ممشى الرِجل وسط عرفه= وسمية جا من مطرها غثيرها يازينها بأول نباته اليا انتشر=بذرعانها السمحات تتطرق غديرها انا احب ذودي حب راعي غرايس=صفيف ٍ سوانيها على جال بيرها لامن مزون الوسم لاحت بروقها=قامت مع الهجعه تلاعج فطيرها ياسم بها حل الصفاري مهدد= ابودقها واخو نوادي عشيرها راعينها في الحزم تسعين ليله=لين العشاير طار منها هجيرها في المردمة والحص منا منازل=ضياننا بانت على مستنيرها ضعنا رجوح السير من يمة العدا=بقب ٍ يسوق الضد منا نثيرها فيسقي لاراحت مع الفاو مقفيه=لدار ٍ بها البدوان دايم تميرها تخالط بها حم الذرا هي والمها=شجرها عبلها والوضيحي حميرها |
|
الاخ هايف العماني
يوجد غلط املائي في البيت الاخير امل التنبيه عليه وتعديله اذا بالامكان (والصح يقول)
خشــــيرة للــدق والجــل والمـــها وخشيرة للوضيحي والوضيحي خشيرها |
صح لسانك ياهايف ولسان قايلها وبيض الله وجهك
|
أبو مبارك صح لسان شاعرها وبيض الله وجه ناقلها لاهنت على القصيده الجزله والله يعطيك العافيه يابو مبارك مــنــيــر آل راكــــان |
صح لسان الشاعر الكبير والفارس الشهير
((خضير بن شامان الهوامله الفرجان الدوسري )) وبيض الله وجهك يابومبارك على هذا النقل الطيب. |
تسلم يمينك أخوي هايف
وصح لسان الشاعر خضير بن شامان الهوامله الفرجان الدوسري |
بيض للله وجهيكم جميع ولاهنتوا على الردود المشرفه
تقبلوا تحياتي، |
صبيان زايد عوايدهم الجووووووود جعلهم يسلمون
|
|
الساعة الآن 11:35 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
