|
دفاعيه عن الرسول صلى الله عليه وسلم
ياالله يارب عزيز جلاله = ياخالق الخلق جيل بعد جيل الحمدله والشكرله والثناله = لرضاه نسجد طاعةله وتذليل أرسلت عبدك بالهدى والدلاله = قول صحيح مايجي فيه تضليل نبيك المبعوث راع الرساله = شفيعنا يوم الحشر والتهاويل البارحه والنوم يصعب مناله = من ضيقة فالصدر تشعم بقنديل شي يحير فكر منهو صحا له= ولا بليدالقلب مافيه تحصيل عرض النبي سبوه ناس حثاله= حطو مقالات وحطو تماثيل تخسون ياهل الكفر واهل الضلاله= رسولنا ما فيه عيب وتقليل رسولنا رحمه ودينه عداله = نزل عليه الوحي قول وتفصيل يارب يامرسي رواسي جباله = يامنشي من الغرب نو مثاقيل امطر عليهم من عذابك مهاله= تخلي مبانيهم كبر حبة الهيل ينجن عاقلهم من اللي جرا له= وتمطر عليهم بالبرد والابابيل يشيب راس الطفل والشر فاله = فيه الرمك ترمي فلاها من الويل ذي عاقبة من سب دين العداله = يصير عبره فالليال المقابيل |
وعليكم السلام ورحمة الله وبركاته الشاعر الكبير : وقيان بن فهد الصخابره أولاً ألف مبروووووووووك النجاح وثانياً يسرني مصافحة هذه الرائعة قبل الأعضاء الكرام وثالثاً صح الله لسانك وإعتلا وشآنك دنياً وآخره قصيدة تدفعها الحميه لرسول الهدى صلى الله عليه وسلم أسأل الله العلي العظيم أن يجعلها شفاعةٍ لك يوم القيامة تقبل ودي وتقدير وشكري وعرفاني محبك ومغليك : دغش البطي |
مبروووووووك التخرج اولا
عقااال الماجستير والدكتوراه ولاهنت على هذه الراااائعة |
الشاعر الكبير : وقيان بن فهد الصخابره الف الف مبروك التخرج وعقبااال المراتب العليا والله الله في المواصلة والتعب منسي صح لسااانك على القصيدة التي انطلقت للذود عن خير الأنام عليه الصلاة والسلام وغياب وعقبه ذا القصيدة ما يسمى غيـــاب يابو فهد
عرض النبي سبوه ناس حثالـه = حطو مقـالات وحطـو تماثيـل تخسون ياهل الكفر واهل الضلاله = رسولنا ما فيـه عيـب وتقليـل اي والله يخسون أبناء القردة والخنازيير أكرر لك الشكر على ما اتحفتنا به ولا تحرمنا من جديدك تقبل تحيات أخوك / راشد النتيفات |
بيض الله وجهك يابن صخبور قصيدة جزله من شاعر جزل والله يكتب لك الاجر على دفاعك الشريف دون اشرف خلق الله في ارضه ولك تحياتي السلام
|
ابن العم / وقيان الصخابره اولا /الف مبروك على التخرج وجعل الشهاده عون لك على الطاعه. ثانيا / صح لساااااانك مدد بلا عدد ولاهنت جزله وانت راعي الجزل بيض الله وجهك دنيا واخره الله يقبل دعاك عليهم جعل ما كتبت في موازين حساناتك يوم لا ينفع مال ولا بنون اخوك / وسام العصا |
الاخ العزيز
دغش البطي بيض الله وجهك ومشكور على الاطرا تقبل فائق تحياتي |
وعليكم السلام ورحمة الله وبركاته،،، أخوي/ وقيان:
ألف مبروك على التخرج،،، والله يوفقك دنيا وآخره. صح لسانك على القصيدة الجزلة. أسأل الله العلي العظيم أن يجعلها شفاعةٍ لك يوم القيامة. وتقبل خالص تحيات أخوك ومحبك في الله/ صالح الجعيدي |
الشاعر الاخ /وقيان الصخابره وفقنا وياك رجل الجلاله
وصح لسانك على شعورك الصادق والله يزودك ايمان وينور على قلبك تقبل تحياتي وخالص تقديري الاخوي .. |
ارحب ارحب
|
اقتباس:
آمين يارب العالمين صح لسانك وبيض الله وجهك |
وعليكم السلام ورحمة الله وبركاته \صح الله لسانك وجوزيت خيرا ............الله يورينا فيهم مايسرنا ويشفي صدورنا هم ومن سار على شاكلتهم أأأأأأأأأأأأأأأأأأأأأأأأأأأأأأأأأأأمين
|
السلام عليكم ورحمة الله وبركاته لاهنت على القصيده والدفاع عن الرسول صلى الله عليه وسلم وأتمنى من شعراء المنتدى ان يحذو حذوك وحذو الشاعر ماجد المهنا والى الامام ومبروك التخرج |
الشاعر الكبير : وقيان بن فهد الصخابره
الف الف مبروك التخرج وعقبااال المراتب العليا والله الله في المواصلة والتعب منسي صح لسااانك على القصيدة التي انطلقت للذود عن خير الأنام عليه الصلاة والسلام وجعلها الله في موازين اعمالك وأن لم ينطق الشعر في مناسبه كهذه فلا بورك فيه لاهنت اخوك / ماجد المهنا |
امطر عليهم من عذابـك مهالـه
تخلي مبانيهم كبر حبـة الهيـل ينجن عاقلهم من اللي جـرا لـه وتمطر عليهم بالبـرد والابابيـل يشيب راس الطفل والشـر فالـه فيه الرمك ترمي فلاها من الويل ذي عاقبة من سب ديـن العدالـه يصير عبـره فالليـال المقابيـل صح لسااانك على القصيدة التي انطلقت للذود عن خير الأنام عليه الصلاة والسلام والف مبروك على التخرج ونسال المولى القدير ان يجعل ماكتبت في موازين اعمال ولك بالغ شكري وتقديري |
الساعة الآن 01:27 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
