|
سلام الله من قلب يحب مصاحبة الأخيار............
السلام عليكم ورحمة الله وبركاته ،،، القصيدة للشاعر سالم بن جلعان،، عسى أن تنال إعجابكم.
سلام الله من قلب ٍ يحب مصاحبـة الاخيـار=على ربع تخير من خيـار القـوم صاحبهـا سلام اكرم من بروق ٍ تنوض ووابل ٍ مطـار=وارق من النسايم للسحـر لا اذرت هبايبهـا واعم من السلام اللي يذاع بنشـرة الاخبـار=وادفى من بعد فرقـا لقـاء العيـن لحبايبهـا واعز من الجواد اللي يغار لبنت سابع جـار=ويغض الطرف عنها لو فقد روحه سبايبهـا اسوقه من بلاد المجد ترثة نخبـة الاطهـار=على ربع كست بشت الطهاره مـن مناكبهـا سلام ٍ كنه اكليل ٍ من اطيب واجمل الازهـار=اشوقـه للفحـول اللـي مدسمـة ٍ شواربهـا قروم ٍ قولهـا قـول وفعلهـا كايـد ٍ جبـار=رجال ٍ في رياض المجد مرخيـة ٍ سحايبهـا رجال تحت دلة طيبهـا شبـت يديهـا نـار=يفوح الطيب من ذيك الدلال بوجـه شاربهـا رجال ما تكش وجيهها من ضيف وصل الدار=تبسم له لو انهـا مـن دقايـق راح شايبهـا وسلامتكم جميعاً. وتقبلوا خالص تحياتي |
|
اقتباس:
و لا أنت أخوي "ابن فادر"، صح أبدانك. مرورك شرف يالنشمي. وتقبل تحياتي. |
السلام عليكم ورحمة الله وبركاته
صح السان الشاعر وصح السانك اخوي صالح والله يبيض وجهك |
اقتباس:
ما يشين وجهك يا أبيض الوجه، صح بدنك، مرورك شرف. وتقبل تحيات أخوك ومحبك في الله/ صالح الجعيدي |
وعليكم السلام ورحمة الله وبركاته
صح الله لسان قايلها والله لايهين ناقلها أخي صالح الجعيدي لاهنت على ايراد هذه الرائعه |
اقتباس:
وعليكم السلام ورحمة الله وبركاته ،،، و لا تهان أخوي/ أبا سليمان الودعاني ،،، مرورك شرف يالنشمي. وتقبل خالص تحيات أخوك ومحبك في الله/ صالح الجعيدي |
الساعة الآن 12:57 PM
 |
Powered by vBulletin® Copyright ©2000 - 2025, Jelsoft Enterprises Ltd.
---
