::: مـنتدى قبيلـة الـدواسـر الـرسمي ::: - حصريااااا على شبكة الدواسـر

اتأسف عن الانقطاع الطويل ولكن انتم في القلب ,,

والقصيدة التي سوف اطرحها لعلكم تقبلونها عن انقطاعي الطويل

قائل القصيدة هوالشاعر ( عبدالعزيز بن قدير ),,رجل عرف عنه

الكفاف والورع والعفاف...كان مشهود له بالخير في مدينة

(حريملاء)...توفي رحمه الله مند خمس سنين عن عمر يناهز السبعين

,,
تقريبا...وقد قام بزيارة لعمي (حمد بن ابراهيم ال دهمــش

ال بوزمام المسعري الدوسري )..في مزرعته والتي تقع في

شعيب (الابرق)في (حريملاء) ...واسم مزرعته (مستوره)...لانها

تقع بين حزوم وجبال فكانت مستترة بها ::

قال الشاعر ابن قدير ::

يعيش منهو شرى بالمال (مستوره)=(ابن دهمش حمد)جعله يربيها
فعايله كلها بالخير مذكوره=الله من حاجت(ن) فرج لراعيها
يمناه في كلش(ن) ماهيب مثبوره=والمرجله صار حظه طيبن فيها
قرم وكريم وشيخ مشعشـعن نوره=كل العلوم الجميله ماهرن فيها
يعجبك طير السعد لاجيت مستوره=جعل الولي من حقوق السحب يسقيها
تلقى الشبب زاهب والهيل والفوره=وتلقى الدلال الصفر قبله مراكيها
من لابة كلها بالطيب مشهوره=(دواسـر) تذخر المال لعوانيها
دايم مواجيبهم ماهيب مقصوره=وعاداتهم ماحدن منهم يخليها
وختامها طاعة الله ثم اخو نوره=اللي بشرع الله وسيفه مصفيها

اهدي القصيدة الى جميع اعضاء منتدى الدواسر ,,وهي لاول مرة

تنشر ,,,

ياليت يتم تنسيقها فضلا لا امرا...

حقوق الطبع محفوظة