احـب النشامـا وللنشامـا علـي احقـوق=اقدر احقـوق الخـال والضيـف والعانـي
ولا اخاوي الداشر ولا احب انـا المطفـوق=ولا اصـد والمضيـوم يزهـم وينخـانـي
ولا ارضى خنا الزلة ولا اخطي على مخلوق=ولا اعارض الجاهل علـى زلـة اللسانـي
احب الفياض الخضر لا سيق فيهـا النـوق=بعـد سوقـت الفنجـال بـدلال رسلانـي
احب الفيـاض وشوفهـا يبـري المعلـوق=لياعطفـت خلفاتـهـا فــوق حيـرانـي
احب الفياض وحبهـا حـط فينـي افتـوق=وعسى لايمـي فـي حبهـا يقـاد عميانـي
واحب المراجل والمراجـل لهـا معشـوق=ولا نيب اطيع اللي عـن الطيـب ينهانـي
ولا احب انا النمه والاسرار فـي صنـدوق=ولا رحت انا اوشي علـى افـلان وفلانـي
اعدل كلامـي واضبطـه وازن المنطـوق=وترى الهـرج للرجـال ياتيـك برهانـي
تعرف الرجل من هرجته لا حكى في السوق=يدلك عالـى الرجـال منطوقـه ان بانـي
ولا بقت جار لـي ولا احـب درب البـوق=حفضت الحديث اللي على الجـار وصانـي
واحب الصـلاه وركعتيـن مـع الشـروق=تسـاوي كنـوز الكـون لامـال ميزانـي
نهار الحساب وفيه الابصار تشخص فـوق=نهـار عضيـم فيـه فايـز وخسـرانـي
نهار احسابـه عسـر والطـاق بالمطبـوق=تحت حر صلو الشمـس والجسـم عريانـي
واحب البـداوه وافخـر بثوبهـا المشقـوق=احـب البـداوه وافخـر بسـلـم جـدانـي

المشاركة الأصلية كتبت بواسطة ابن فادر الاخ صالح الجعيدي لاهنت على النقل وصح الله لسانك ولسان شاعرها تحياتي لك

المشاركة الأصلية كتبت بواسطة الودعاني النشمي/صالح الجعيدي لاهنت على القصيدة وشرواك الطيب يابن العم وصح لسانك ولسان الشاعر...