أقرب ندا ياربعنا أقرب ندا = يالابتي ياسعد منكم محزمه
صوت وصدى يالابتي صوت وصدى= شاعر وفي راس الجبل رز علمه

طول المدى نفخر بها طول المدى=عز الدواسر ما احد بيوم ثلمه
وفوق الهدا لك نرفعه فوق الهدا=ياشاعر للطرق جود ونظمه

يسلم لسانك يابعيد من الردا = ياعون ابن عمه ليا منه زهمه
خلك معي والليل توه مابتدا = ناطا الدروب الواضحة والمبهمة

تاه الجدا هو علمنا تاه الجدا=والكبش ماله نفع من دون شحمه
توه عدا من بيننا توه عدا=برق بدربك لا سرينا ما اظلمه

لاجلك فدا ياصاحبي لاجلك فدا = نرجع على الطرق القديم ونحكمه
لاحد يحدا عن صاحبه لاحد يحدا = وسام قلّي ويش وسمن تاسمه

ما قد غدا فى طرقته ما قد غدا=احمد الآهي يوم رده بقدمه
مثل السدا اليا ارتدم مثل السدا=الزايدي لا تساله وانت بفمه