الله ومر بالوصل من بين الاقراب=وحنّا بوقتٍ زايدٍ بالقطيعه
وانا من اللي شفت بالحيل منصاب=وضاقت عليّ الارض لو هي وسيعه
يابوي أنا من صدتك عارضي شاب=وحطيت في كبدي جروح شنيعه
ماغير أهوجس مثل منهار الاعصاب=أنا اشهد إن صدتك عني وجيعه
ولا لقيت إلها تفاسير واسباب=ومعاتبتك محرمه في الشريعه
شفت المهونه من شباب وشيّاب=وانا عن الحقران نفسي رفيعه
لا نيب سربوت ولا نيب كذاب=ولا لي مع الانذال شريه وبيعه
يابوي أفك الباب وتسكر الباب=وخصيتني يابوي في ذا الطبيعه
حتى اصغر الاخوان كشر لي الناب=ما كني إلا بايقٍ لي وديعه
ولحدٍ خذالي شور في كل الانساب=يالله دخيلك من حياة الهزيعه
ويوم النزايل ياهلي صرتوا أحزاب=أحدٍ نصا الهيضل وأحدٍ في البديعه
ترا المعونه جت من رب الارباب=لحدٍ يحسب إني برجوا صنيعه
لكن نبي جمع القرايب والاحباب=قدام كلٍ يغلق الموت ريعه
صاروا اخواني عند ورعاني أغراب=شي يولع في ضميري وليعه
ليا اسألوني يغرق الدمع الاهداب=يالله عسى من لامني للفجيعه
يونس على كبده مثل عضة الداب=وارحم عياله لاومر ما يطيعه
يابوي طيرك له جناحٍ ومخلاب=يحط في ردن الحباري فنيعه
ماهوب حق إنك تحطه بسرداب=وتحمله من فوق ما يستطيعه
حطه على يمناك وتشوف الاعجاب=وافخر بطلعاته مع أهل الطليعه

يابوي طيرك له جنـاحٍ ومخـلاب=يحـط فـي ردن الحبـاري فنيعـه
ماهوب حق إنك تحطـه بسـرداب=وتحمله من فـوق مـا يستطيعـه
حطه على يمناك وتشوف الاعجاب=وافخر بطلعاته مع أهـل الطليعـه

المشاركة الأصلية كتبت بواسطة ابن وتيد يابوي طيرك له جنـاحٍ ومخـلاب=يحـط فـي ردن الحبـاري فنيعـه ماهوب حق إنك تحطـه بسـرداب=وتحمله من فـوق مـا يستطيعـه حطه على يمناك وتشوف الاعجاب=وافخر بطلعاته مع أهـل الطليعـه لاحول ولا قوه الا بالله آل جعيد الدوسري ارحب تراحيب المطر عزالله انك كفوا يالجعيدي وعلمك غانم وافي عساك على القوه مميز بمعنى الكلمه لاهنت يالقرم وعسى عمرك طويل اخوك/ ابن وتيد

المشاركة الأصلية كتبت بواسطة فهاد السلام عليكم ورحمة الله وبركاته لاهنت يالقرم وعلى القصيدة الجميلة ولاتبخل علينا بمشاركتك النادر ة والجميلة والله يوفقك يا صالح

المشاركة الأصلية كتبت بواسطة فالح الشكره صح لسانك ولسان الشاعر ، وبيض الله وجهك على القصيده الرائعه

المشاركة الأصلية كتبت بواسطة دغش البطي السلام عليكم ورحمة الله وبركاته العزيز الغالي صالح الجعيدي لاهنت يالقرم على نقل هذه القصيدة الجميلة ولاتبخل علينا بمشاركتك النادر ة والجميلة والله يوفقك يا صالح تحياتي القلبية لك محب الجميع