سمعتلي هرجةٍ مدري وش اقصاهـا=حزة بصدري وانامانـي بهارجهـا
لو كل كلمه ليا جتنـا طـر د ناهـابعنا= الثمينه بسعـرٍ مـا يخارجهـا
لو مـرة السمـع ماكنـا سمعناهـا=ونقفل الـراس عنهـا لايبرمجهـا
ومن يـم هـذا لهـاذا مـا نقلناهـا=الناس واجد وتلقـا مـن يروجهـا
ومن جابها بيـن خلـق الله وداهـا=لوبه مراجل ترى نفسـه يسمجهـا
ومن عاملا الناس في سابق خطايها=يقعد بـدارٍ خـلا مـاداج دايجهـا
في كنةٍ تشوي الجربوع رمضاهـا=تابس غصون الشجر من حر واهجها
والناس بلحق حكم الشيخ مرضاهـا=ماترضي الناس لو انـك اتحججهـا
يلي تبى الطيبـه خذهـا وعطناهـا=خـل الطريفـه طريـة لا تثلجهـا
واقظب طريق الاوادم وامش ممشاها=اتبع ادروب العرب وانهج مناهجهـا
وارسـم النفسـك حـدودٍ لاتعداهـا=من حط نفسه درب الضيق يحرجها
وانكان نفسك هواهـا قـام ينحاهـا=حط الاعنه بروس الخيل واسرجهـا
فكـر ابمنكافهـا قـدام مغـزاهـا=واضرب حساباتها واتشوف ناتجهـا
كلن بعضده يموح الدلـو برشاهـا=وتلقا اكبود الضوامي من يبرهجهـا
وانكان توك على صدرك تهجاهـا=حنا ترانا انـدرس فـي مناهجهـا
من يم مسراحهـا نبعـد امعشاهـا=الياقعـد راعـي الضالـع يدرحهـا
لو هي صعيبه اليا انعاجة عدلناهـا=والي تجـي مستقيمـه ماانعروجهـا
نهتم فـي وزنهـا وابـرام معناهـا=ومن الكرستـال واللولـو انتوجهـا
مثل الجواهـر اليامنـا نضمناهـا=واسلوكها من جديد الزري ننسجهـا
مخايلن ترتـدم والصـدر منشاهـا=لادك بلبـال داكـوكـن يهيجـهـا
واليامطرة ضاقت الوديان من ماهـا=تاخذاليا الحول ما يبسـت مدارجهـا
ان صدت الناس عنا ماعترضناهـا=ماتقفي النـاس عنـا وان تولجهـا
وانجاتنا الطيبـه بالطيـب زدناهـا=الطيبه بالعسـل والسمـن نمزجهـا
وان جاتنا الثانيه نصبـر ونرفاهـا=يمكن اليا فـاق راعيهـا يعالجهـا
وان عادها عـودةٍ ماعـاد ينساهـا=من حربةٍ في صميم الصدر نولجهـا
مسمومةٍ يبلـش الدكتـور بدواهـا=مايقنـع الخبـل ليننـه يلامجـهـا