::: مـنتدى قبيلـة الـدواسـر الـرسمي ::: - سلسله من قصايد الشاعر سعدبن هتيل المساعره

] بسم الله الرحمن الرحيم

اخواني في منتدى الدواسر الرسمي اتشرف بتنزيل عدد من قصايد

الشاعر الكبير // سعد بن ناصر بن هتيل ال بالحسن المساعره ,,رحمه الله,,[/color]

ام وسمين

يا اللي تسومون أم وسمين iiبالفين زيدو مع الالفين بالفين وش عـاد
شرفا مريخانٍ وقسمٍ لهـا iiالزيـن ويا زين عاتقهـا بوسـم آل فهـاد
عسا يمينٍ جرته مضـربٍ iiشيـن حتى تعيب من شرابٍ ومـن iiزاد
هـذا مثـاري عندهـا iiياالشلييـن والا فسب الله من سـب iiالأجـواد
والله لو ان الفشق فـي iiالمكانيـن ما يشره الشهري على وسم محشاد
حنا مساعرةٍ صعـاط iiالمجانيـن ما شرنا عنـد الحنازيـب iiينـذاد

لاتحسبنا مانعرف التدابير

يا اللي تقول إن فقرنا مـن يدينـا لا تحسبنا مـا نعـرف iiالتدابيـر
يا ماغدا منـا ويـا مـا iiعطينـا ويا كثر ما حاشت يدينا من الخير
نجود من جـودات ربـك iiعلينـا ونصبر ليا كثرة علينا iiالمخاسيـر
وان جات من ربك على ما iiبغينا والا صبرنا في رجا الله iiبتيسيـر
ولو الصخر ياطا على ما iiوطينا خطرٍ يذوب من التجمد على الكير

لاقدموني لابتي

ما نيب أميرٍ مير طيـب iiجماعـه سيف لربعي في المواجيب iiمسلول
لا قدموني لابتي صـرف ساعـه قدمتهم مقدار خمسة عشـر iiحـول
وان كان جودات الفتى من iiذراعه ف انا طويل الباع ما نيب iiمجهول
وعرفي محيطٍ بالمهبـل وساعـه والهرج ماني عن ضياعه بمسؤول

محل الثريا

يا ذا الفهد عيدي مراعاك iiوغـذاك والعيـد الآخـر لابدالـك iiبغـيـا
أمك تواعدنـي بعـدك iiوفرقـاك وشاورت قلبي يـا محمـد iiوعيـا
والله يا لولا حب مثلك وشـرواك لا ابطي وانا ما قلت حلـي iiهنيـا
ارجي تساعدني على زمة صبـاك واشوف منك الطيب ما دمت iiحيـا
وأرجي تهلي ب ابن عمك ليا جاك وينـزل بترحيبـك محـل الثريـا

المربع الزين

والله لو حطيت قصـر مـن iiالطيـن وغرس وبستان ونويـت iiالحضـاره
ما انسا شديد البدو لا صـار iiمنويـن لا لاح بــرآقٍ تتـالـت iiخـبـاره
بـدوٍ قوييـنٍ وجاهـم iiطراشـيـن وعدو لهم عشـبٍ زهابـه iiخضـاره
وشـدو ودنـو جيشهـم iiوالقعاديـن وكل على مشـدوده أظهـر iiقشـاره
الجيش يحضـا بـه عيـال شلييـن فيهم مـن الخفـه رمـوع الشطـاره
والزمل يحضا بـه بنـاتٍ iiمزاييـن يشـدن لصيـدٍ شايـفٍ لـه iiغيـاره
ياحيهـم حـيـاه حيـيـن حيـيـن كنـه يقزيهـم مـن الـدار iiغــاره
متعـوديـنٍ للمغابـيـش iiعجلـيـن وشديدهم في شـف هزعـا iiالفقـاره
وسوق القطيع الزين في المربع الزين أنا أشهد انـه يـا النشامـا iiتجـاره

الابل

شلنا على الخور الخدور وما بها كلاها وماها وفرشها في iiوسوقها
ومطرنا بدارٍ ما رعينـا نباتهـا ورعينا بدارٍ ما نخيـل iiبروقهـا
هذا لعنا هجمـةٍ شمـخ iiالـذرا على غير هواها ما تعفت عنوقها
يقولون شـاوي تبـدوا iiبهجمـه شرايا ولاكن طيبـاتٍ iiعموقهـا

النجر

أنا اشهد ان الكيـف ينجـاز iiمنـه من يوم جا للبيض فيـه معلوقـي
الكيـف زيـنٍ ميرهـن iiخربنـه كبار الديود مشنغبـات iiالحلوقـي
الكيف يـوم النجـر مـا يقربنـه واليوم يلعب في هواهن iiطروقـي
النجر للى كـل مـا شـب iiدنـه وفتق ذرا بيتٍ عريض iiالشدوقـي
وقامـت تهاوالـه ربـوع تحنـه من كل شر 00 وهو عليهم شفوقي
ولا خضب الفنجال هيلـه iiوبنـه والزعفران اللي بريحـه iiيشوقـي
وتطرم المجلـس ولا فيـه iiمنـه بدا به الشيبـان واهـل الحقوقـي

ان اشهد ان حنا هل الكيف حنا

كل يورد له على الكيف iiمعناه آنا اشهدٍ آن حنا هل الكيف iiحنا
اللي ليا جانا المسيـر نكهنـاه وانباشره بالكيف قبـل iiايتثنـا
وانقلط المحماس قبـل ايتمنـاه والأوله ما هيـب تكفيـه iiمنـا
ما هوب لا جانا عطيناه مصلاه نبغيه لا منه عدا البيـت iiغنـا
وادلالنا ما هيب صفرٍ iiمجـلاه من كثر دحم النـار بنحورهنـا

حب النواميس

والله لون الهرج من غير iiسلطـان ما اصبر ولو ان التسرع من أبليس
فسادنا ذبـح الغنـم يابـو iiمـران وحط عليها من طوال iiالنسانيـس
ونطرب إلى جانا من البعد iiضيفان نفرح بهـم مـن حبنـا للنواميـس

سلوم الشليين

يا كثر ماربي خلـق مـن عبـاده متصرف في الخلق بالزين والشين
الله مـن نـاسٍ عليهـم iiقــراده لا من هل الدنيا ولا من هل iiالدين
ولا لهم في بعض الأحـوال راده في حالة غبـرا وهـم iiمطمئنيـن
كلٍ خـذا سلمـه سبـلٍ iiوعـاده العفو يا مزيـن سلـوم الشلييـن

شقراء تلوج اعنانها

يا زين ما ترفا خمـال الصويبـي اللي جرا له منك عاروض واسباب
آنا سقيم الحـال وانـت iiالطبيبـي والزين مثلك فيه لـذات iiواطبـاب
أشهاك ياذوب العسـل والحليبـي ذوب العسل ومخالطه در iiحنـزاب
أبيض حمر غضٍ وجلـده iiلبيبـي طبٍ ليا ذاقه سقيم الحشـا iiطـاب
ولولاه لا سلهـم حسابـي iiيغيبـي قلت آه وعزاه من لدغـة iiالـداب
ولو ماب صدره مثل بيض iiالربيبي قلت النحر قرطاسـةٍ بيـد iiكتـاب
ويضفي عليه من العبيبـه iiسبيبـي شقراً تلوج عنانهـا عنـد iiنصـاب
وينحي لبطنٍ مثل بطـن iiالنجيبـي قافل وعاد قفالها عقـب iiمطـلاب
ودي بمـوتٍ فيـه لـو iiمادريبـي مرحوم والازم يجي بين iiالأصحاب

وجد

ألا يا وجودي وجد من جـر iiبالونيـن تخالف عليه مـن الحوايـم iiتخيلافـي
صويبٍ صوابه صايبٍ ما قـعٍ iiمكيـن على طيحته ما شيف والهجـن زلافـي
على اللي نبيه من الحجاجير iiومعييـن تعسر وهو ما هـوب شـيٍ iiبينحافـي
لعبي كما لعب الورق صفـةٍ iiطاغيـن جهل والجهل يرمي بالاسراف iiياكافـي
عطاني عطية والعطية إلى ذا iiالحيـن عطيـة بخيـلٍ ضـاريٍ iiبالتعجـافـي
ولفهني وخلاني على هرجـة iiالماديـن على ما بنا المرحوم واقفيـت iiمتجافـي
الا ياعديم الجنس فـي جيلنـا iiالتاليـن عليك الله أرحـم لا تزايـد iiبالإسرافـي
تصدق على بساعةٍ والعـرب ساهيـن أمز الشفايـا مـزة الحـوض iiملهافـي
عسا لا يمي يطرد قفـا حالـةٍ iiمقفيـن مع كنة الجوزا وهـو رجلـيٍ حافـي
وغطس في عجاجٍ والعرب منه متقافين على أتلا النفس واتلا العرب منه متقافي

وين الرفيق

وين الرفيق اللي على البال وينه أفداه بالدنيا ولا صحاب والمـال
واحط ما عينـت فـدوة iiيمينـه ما شيل من دونه ولو ربع iiمثقال
والعهد والميثـاق بينـي وبينـه إنه على بالي واجيله على iiالبال
عهد عليه الله ومن شان iiعينـه أشيل زلاته ولو قال مـا iiقـال

نصيحه لابنائه

يا ذعار لا جيتهم يوم انـت مرسالـي ما خاب من كان مثلي وانت مرسالـه
سلـم عليهـم سـلامٍ صافـي iiحالـي واثنه على اللي يقول العود وش iiحاله
هذا وانا يـا فتـى ماهـوب iiعزالـي كم واحـدٍ يمتنـي مثلـي ولا iiجالـه
انا احمـد الله عزيـز وطيـبٍ iiفالـي ومن كان مثلي عزيـز وطيـبٍ iiفالـه
يا ناس خلونـي المسـؤول iiبهبالـي واللي بصيرٍ بحاله مـا لـي iiومالـه
لولا المهبل حشا مـا يرتشـي حالـي جعله اهبـالٍ يـزود وزوده iiأشلالـه
خلوني أدله مـع الخبـلان واشلالـي ما سرني صاحي في دبـرة iiأحوالـه
يا عيال هاكـم جـوابٍ مـن iiتمثالـي كلام عـودٍ قضـا باللـي تهيـا iiلـه
تكفون حاذور من سيـرات iiالأنذالـي ترى الفتى سيرته من جوهـر iiافعالـه
لا تحسبون الفخر في جمع iiالأموالـي كم واحدٍ عوقه المسمـوم مـن مالـه
يا مليـم المـال جعلـه قلـة الوالـي لا صار ما هوب في العازات يشفا لـه
أمـا صديـقٍ شفيـقٍ حـده iiاللالـي والا ابن عم ثقـل حملـه ولا iiشالـه
الجوهر الغالي اللـي مكسبـه غالـي كسب الثنـا يـوم مـا كـل بيحاتالـه
والطيبه سنهـا الاول علـى iiالتالـي ومن جنب الطيب واهل الطيب عزا له
والغانمـه مـا كسبهـا كـل رجالـي ايضـا ولا كـل رجـالٍ بتهيـا iiلـه
والما المسمـى يبـي دلـوْ iiومحالـي وكل يقوس الطويـل ويـرد iiبحبالـه
هذا جوابي وانـا اقولـه ولا iiابالـي من مصنـعٍ صايغـه يفهـم iiتسلسالـه
ما نيـب كـوحٍ يرفعهـا iiبالاسمالـي ما حل في خاطره مـن مهلـج قالـه
أصبهـا صـب وانخلهـا بمنخـالـي واصفهـا صفـة الصـراف iiلريالـه
هـذا ولا نيـب للعـربـان iiدلالــي منـي وعنـي واقولـه واتثنـا لــه
أفضيت عما مضا باللـي تهيـا iiلـي واستغفر الله بـدق القـول iiواجلالـه

تحياتي لكم وسامحوني على القصور