أنا في ضحى الأثنين تالي شهر شعبـان=سنة ألف وأربع مع ثلاثـه وعشرينـي
تلافت هواجيسي وشبّـت لهـا نيـران =ما بين الظلـوع الحانيـة والشرايينـي
بعد شدوا اللي شوفهم يبعـد الأحـزان=إلى ظاق صدري شوف الأدنى يسلينـي
وألا يا نديبي من علـى وارد اليابـان =خذ الشاص تلّه وانس ربـعٍ عزيزينـي
تنحر ربوعٍ تكرم الضيـف والجيـران =أهـل قصّـةٍ معروفـةٍ بالنبـا الزينـي
كرمهم قديمٍ يوم وقت الكسايـف بـان =أقول الحقايق ما أنظر يسـار ويمينـي
ألا يا نديبي خوذ خطي ولـه عنـوان =ولا يصلـح المكتـوب دون العناوينـي
وعنوانه اللي يصدفك من بنـي شافـان=فسلـم عليـه وعـمّ بـاق الشوافينـي
وقل له عسى سيل الوسـم يتبعـه ودّان=يزين النبات اللي تشـوّق لـه العينـي
على العرق والا من حدر يكسي الصمان=ويعـم البلـد حتـى تهنـا البداوينـي
على شان أماريكم على صلحة الذيـدان=طلوع اثريـا صبـح وإنـا مصلينـي
نسوق الفطاير لين نـي الظعيفـة زان=ونمشي معاهـا مـا نـزور البلادينـي
وأنا عارف انه لا وقف زاهر المكنـان=تجونه قبل ينـزل ولا هـوب خافينـي
لكن نتمارى و الدعاوي على البرهـان=ولا تصلـح الدعـوى بليـا براهينـي

أنا هاظني قافٍ تعالـم بـه العربـان=لفاني به اللي من على البعد ناصينـي
قريته وشرّع في ظمير الخفـا بيبـان=لكنّه علـى بـدع القوافـي ينادينـي
وحللت قافٍ قاد جـنٍ علـى زيـران=وتواشت بصدري خافيات البراكينـي
وقامت تداحم مثل هيمٍ على حيظـان=زعاجيل ما جتنـي بوحـدة وثنتينـي
فالا ذعذع الغربي ومالت له الأغصان=وجانا مـن القبلـة علـومٍ ٍ تناشينـي
فتحت المجال وكل قولي على وكـدان=وشمس الحقيقة تظهر الحـقّ ويبينـي
كتبت المثايل والقوافـي لهـا نيشـان=ويا كيف يكسب من يتيـه النّياشينـي
فسلامي على من خصّ قيله بني شافان=وذكر قصّةٍ له مـا غواهـا الشّليّينـي
بتبقى ويبقى ذكرها طيلـة الأزمـان=علومٍ تثبّـت فالقصـص والدّواوينـي
يومٍ لفاه الشّره يبغـي لـه النّقصـان=متحـدّيٍ لـه مـع رجـالٍ مسمّينـي
في مهمهٍ ما فيه ما يـروي العطشـان=ظافه وقال العذر مـا هـوب كافينـي
استبدل الما ظرف سمنٍ من الشّـوّان=ونجّـز كرامتهـم وكـاد المغليـنـي
ألا يا نديبي فوق جمسٍ غريب ألـوان=الا من مشى به من وصوف الشّياهيني
خذ الخطّ مني صوب قرمٍ من الخرفان=نفل طيّب السّمعـة كعـام المعادينـي
وقل له الا من ربّع العرق والصّمّـان=وظهرتوا بسودٍ يرجحـنّ الموازينـي
نجيكم مجيّ اللي على صاحبه شفقـان=نبي سجّةٍ معكم على العـزّ واللينـي
حتى يزين اللعب واللعب لـه ميـدان=وحنّـا لقيلـك دايــمٍ مستعدّيـنـي
وصلّوا على رجلٍ بعث من بني عدنان=رجلٍ بعث به خالق الخلـق بالدّينـي

المشاركة الأصلية كتبت بواسطة الواضح الشاعر / مبارك بن محيا الدوسري صح الله لسانك ولاهان الله منطوقك وصح لسان الشاعر / نفل الخرفاني ولاهنت أخوي / دغش على نقل هذه المساجله

المشاركة الأصلية كتبت بواسطة مبارك بن محيا الدوسري دغش تبقى يا مرحب الله يرحب بك أكثر وجودي في هالمنتدى يسعدني و يشرفني و أنت وفيت و كفيت عن ادارة المنتدى ولا يهونون وما حصل من خطأ فني مدمووووووووح لك يا بعد راسي لا هنت يا الغالي