يقول جباره والرواكب زوالف =يدير الارياء ايهن خيار
ألاعي الورقاء بالأبعاد بعدما=غفا جفن عيني بالمنام ودار
يارركب شدوا واغنموا البر قبل ما=يهب عليكم بالهواجر نار
يهب هوا من مطلع الجدي بارح=لاطالعت عين الشبيب ودار
قد هاضني في تالب الليل والف =لها ضيعة عقب الهجيع احوار
تحن وهي قد حيرة عن الحوقه =على الساق من بعض الرمات اكسار
تحن اليهوديات من فقد ليله=عزاه من فرقاه بيع جمار
هذا وهي عجما فياويل من له =أولاد في سن السفاه صغار
وأنا ميقن با لله وما كتب للفتى =يجيه ولا له عن لقاه فرار
لوكنت في قنة حديد معسكر=فلا لك عن تدبير الإلاء مطار
فإن كان ياعمران الى نجد راجع =عن الريف من خوقه ويابه صار
أوصيك ياعمران لا عاقك النياء =حاذور عن ضعف العزوم حذار
على حرة وجنا إلي منه أوجفت =تشوف به تالى النهار صطار
تشتاق في بطحاء البجيري مجلس= في ملتقى بابه وباب صفار
لاجيت ياعمران مني جماعه =وحسك من بين الجماعة دار
اختص أبوبكر الشجاع محمد =من لاشنا يوم جنابه جار
نسيبي وخال ابني ومن هو لي احرص =على غرض مني يجيه اجهار
ثم انشده لي عن شبيب وأحمد=الاولاد للقلب الشقي ثمار
هم الخير وهم الشر والفقر والغنا =بربح ومنهم من يكون خسار
بالاولاد من هو يحلي الهم شوفه =وبالاولاد من هو مطلق وثبار
خلفتهم في حجر بيضاء عفيفة =كساه من الدل الجميل وقار
صبور على عوباي ما يندرى بها=إلى مر كبدي بالمغيظة فار
هذيلية من روس قوم عنابر =أهل منسب عالى وطيب جوار
يما من الطربات يانفس فقنعي =مع الناس غالي ما عليه أقدار
مصادمك بحر من ورا ديرة العجم =ودار ورا عين الدقيق بدار
اشوى ولا تحتاج لأدنى قريبك =إلى احتجت للادنا القريب وبار
لعل مال ما يمارى به العدا =ولاينفع الدانين ليته بار
ترك خلان الرخاء لوتزخرفوا=كما شجر مورق بغير ثمار
يبنون لك الحكي كم مدينة=بالظاهري والباطني دمار