بديت بلي يغفر الذنب لاخطيت=رب الخلايق رب كل البريه
من مابى قلبي قمت اجر التناهيت=بالله افزعولي يازبون الونيه
يابو حمد رفعت صوتي وناديت=من فوق رجمن معتلي بالحنيه
اعيال زايد مسندي لاتهقويت=من نسل قرم مايسوق الرديه
من نسل قرم عالي الشان والصيت=وربعه ارجال تستحق التحيه
وانا جعيدي لابتي لاتعزويت=ترخص حياة الروح اهل الحميه
يابوحمد ال دارهم لوتعنيت=تلقى الصحن متربعنبه طليه
ويابوحمد من صادق الحب ونيت=ونة كريم موهق في قضيه
انا مع سود الليالي تخاويت=والهم انا في كل حزه خويه
ماحدن يفارق صاحبه كود لاجيت=يالي جرحت القلب ارفق شويه
ابى اتمنى وبتمني تماديت=ياليتني وياه نقعد سويه
ويالتيني مع نور عيني تقهويت = وياليتني وياه فوق الثريه
ويالتيني حارس على الباب والبيت=ماحدن يزوره كود يبرز هويه
وانا ادري اني من حدودي تعديت=حتى وصلت اسفل ديار الحويه
وارجو السموحه والعذر كان زليت=هذي ابيوتي واعتبره هديه

يامرحبا حييت حييت حييت=يابن الجعيدي لك نسوق التحيه
يامرحبا وعداد من زوار البيت=واعداد ماهبت هبوب نديه
ساعت رفعت الصوت يمي وناديت=ماختصني من بد كل البريه
جاوبك صوتي يارفيقي ورديت=ابشر بعزك يازبون الونيه
عصبت راس ياسنافي وفزيت=فزت خلاوي مونسن قرص حيه
ياعامر اسمع لاتجر التناهيت=وحنا عضودك لاحتمت كل هيه
اطلق احجاجك ياولد وانهض البيت=من دونكم نارد حياض المنيه
الانتشوف الجادل الي تمنيت=ال داركم تنساق سوق المطيه
ال داركم تنساق وتنور البيت=وتعيش وياه بعيشه هنيه
ان كانها بالطيب والاتعزويت=بالابه الي بالمراجل حضيه
الي لهم بين الملاء ذايع الصيت=كم عقيدن من سبايهم ضحيه
الاد زايد هقوتي لاتهقويت=وماخاب منهو هاقي الزايديه
ورديت انا يالقرم رديت رديت=من يوم ماسقت القصايد هديه