قصيدة في الشيخ محمد بن هندي آل عمار
 

قصيدة الشاعر/ناصر بن ناجي بن مدعث آل عمار
في الشيخ/محمدبن فهد بن هندي آل عمار
نسأل الله تعالى ان يرده سالما معافا من رحلته العلاجيه...


يافالج نور السما من ظلامه
يامخرج ذا النون من جوف حيتان
يامشفي ايوب مما آلامه
يا الله تشافي طيب الذكر والشان
الهيلع اللي من شداد الزعامه
النادر اللي للمجلين مزبان
يابو فهد يا معتلي كل هامه
يالصاطي الضرغام من نسل قينان
حكيم راي وراس عز وصرامه
ومكرم الخطار حيل وقعدان
وفي مصلحة دارك تعصب العمامه
وفي شان ربعك موقفك موقف حصان
وقدرك معا ربعك رفيع مقامه
وصيتك مع العربان في كل الاوطان
من الحجاز الى حدود المنامه
ومن الشمال الى ورى حد نجران
من لابة ترعى بسود الجهامه
ودون الغرايس والمجاهيم فرسان
ومن لابة ياسعد منهم حزامه
آلاد عمار معفين الاوطان
وفي مدح مثله ما لحقني ملامه
كني مركب بندقي راس نيشان
يا بو فهد ترجع لنا بالسلامه
ياطيب الوقفات يا ذرب الايمان
عسى الذي صابك طهور وكرامه
ويجيرك الله من صواديف الازمان
واختامها ترجع لنا بالسلامه
يامحمد بن هندي سلايل كحيلان

رد: قصيدة في الشيخ محمد بن هندي آل عمار
 

صح الله السانك والله يشفي محمد بن فهد ويرده سالم