بسم ال جريس ن مرحبا يال عمار=يا مرحبا ي شيوخها و اموراها
يمرحبا إعداد همال الأمطار=اللي حقوقن وسمها في ثراها
يمرحبا هيلن وبنن ومسمار=في دلتن صفراء وعودن وراها
فنجالها من صبته ريحته ثار=يقعد خوى العمسان يوم احتراها
يبدابها صالح لكم ياهل الكار=وهو زبون المرجله و اشتراها
شيخن ولد شيخن مواقيفه كبار=يرقى سنود المرجله ﻻ رآها
روابعه عليا وحرن من أحرار=نار المراجل عندهم واثعراها
يجذب سناها ﻻ ضوى الليل خطار=تلقى الشحم والبن وتلقى قصراها
كل العلوم الغانمه سر وجهار=وعوايدن من طيب أهلها شكراها
ﻻد البريكي محزم الضيق لنهار=عزم الردي وأخطت يدينه عراها
وأنتم لكم في قمة الطيب مضمار=يفحم زحازيح الرجال وبراها
حطه لكم ناجي ياوافين الأشبار=مشبع هل الديره ومشبع قرها
يوم إن غرسه زاد للضيف والجار=وحتى الطروش العابرين أنحراها
وسبلن لخلق الله وﻻ دونه حضار=صفرن عذوقه من الجرايد فراها
ماحط دونه صبتن فوقها جدار=سوره بني عمه ف الشده تراها
خطﻻن الأيدي محزم الضيق لثار=نار الغزاة الطامعين ادحراها
أشاوسن من ضربها الخصم يحتار=كم هيتن فرسانها قدراها
ويطمع به التاجر لمن الزمن جار=ويقضي لوازيمه ويدبل شراها
ولا مهو للبيع لو صار ما صار=ماله ثمن إﻻ النفوس وكراها
غرسن ثمين وقصته جت ب اﻷشعار=وقصيدته جزله وكلن قرها
من طيب أهلها جالها صيت وأذكار=عند النشامى والرواة أذكراها
طيب إبن كليب وربعه طوال اﻷعمار=فاق الحدود وكل قرمن داراها
واليوم ذا مبارك على نهجهم سار=قاد السفينه وأبحرت في سراها
في نهج أبوه وجده الهيلع البار=واصل مسيرتها وربوعه وراها
قدها يبو عبدالله ونور الدار=وإسمك ينورها ودارك تراها
دارن لنا وإن جات زوغات اﻷبصار=حنا معاكم والبرى من براها
دواسرن لحمه وﻻ بيننا أشرار=وبشوتنا وحده ويذري ذراها