يا سحمي معاريف الدواسر على حمول=عسى الله يساعد راعي الحمل في حمله
العام الزمامي والسكيني بعده بحول=الأول عطا زمله والأخر عطا زمله
ليا حط بعض الناس دون الفحول قفول=فحول أبلهم طلاّبها مايخيب أمله
هل المد وأهل الرد والصارم المسلول=يعطون النوادر لا عطا غيرهم سمله
مقاديم قومٍ في علوم الرجال زحول=يضدون بالجمله ويهدون بالجمله
عن أمجاد وسامة عصا الجار وش أقول=لو أعد لين أملا الورق ما معي كمله
عناوين تاريخ الدواسر كرم وفعول=ياكم من عدوٍ خيلهم فرقة شمله
هل البل وحمّاية جنبها نهار الهول=قطاعينهم ترعى وراء الحد ومهمله
ولا صدق الوسمي من أرض العراق وحول=تحت هيبة الوافين تسري وتجهمله
ولا فيه مربا للبل الآ عليه نزول=من الاد زايد فزعة البل هل الصمله
هل الغرس قبل وبعد والمجلس المدهول=وضيفٍ يرحبّة وضيفٍ يقدم له
شطوط المفاريد المشاتي طبع ودلول=وقدر الضيوف الاد زايد تحيزم له
مشاريعهم تفتح بعد يحصد المحصول=تسابق لها الذيدان من نجد والرمله
تصيف بها كل أشهر الصيف عرض وطول=ولاغيرهم بين القبايل من ايعمله
يا سحمي لك من القلب عطر الثناء مدبول=وراع الجميل أشهر جميله وانعم له