::: مـنتدى قبيلـة الـدواسـر الـرسمي ::: - مطلب ورجوى والدي رحمه الله مبارك ابن حمير ال بريك

::: مـنتدى قبيلـة الـدواسـر الـرسمي ::: (http://alduwaser.org/vb/index.php)

- :: قسم الـشعر العــام :: (http://alduwaser.org/vb/forumdisplay.php?f=16)

- - مطلب ورجوى والدي رحمه الله مبارك ابن حمير ال بريك (http://alduwaser.org/vb/showthread.php?t=67125)

ناصر مبارك ال بريك

14-12-2013 06:40 PM

مطلب ورجوى والدي رحمه الله مبارك ابن حمير ال بريك

يالله لاتقطع مطاليب الاجواد
وبارك لهم فيما عطا يملكونه
ارجي حمير هو ناصر وحماد
رجوا الغريب الي هله يرتجونه
تركب طبايعهم على طبع الاجداد
لصيد تطرد والعدو ينحسونه
رجوا غريب جا هله عقب الابعاد
وتعالمو به من صديق يجونه
يوم لفاهم فيه من يوم الاعياد
يوم العواجي يومهم يقصدونه
يوم على شامخ غرابيل وجهاد
ومن له طلب في ساقته يلحقونه
لحقو عليه متيه وضح الاذواد
كم فارس من سابقه يقلعونه
بالسيف جاه عقاب مهوب حواد
ورده على جيه تقارع شنونه

راشد المسعري

21-12-2013 12:50 PM

رد: مطلب ورجوى والدي رحمه الله مبارك ابن حمير ال بريك

الله يرحم والدك ويجمعكم به في جنات النعيم

قصيدة جزلة وأسأل الله أن يتحقق أمنية ورجاء والدكم فيكم وأن تمشوا على نهجه

بيض الله وجهك ياناصر ولا تخلينا من القصائد الجزلة مثل هذي ياغالي

تقبل ودي وتقديري ،،،،

نآصر البدراني

21-12-2013 02:42 PM

رد: مطلب ورجوى والدي رحمه الله مبارك ابن حمير ال بريك

صح لسانك والله يغفر للوالد ويرحمه ويسكنه الجنه

ان شاء الله انكم ماشيين وتمشون على ماتمنى الوالد الله يرحمه

لاهنت يا ناصر ولاتحرمنا من جديدك نفداك ..

عبدالرحمن بن فلاح آل بريك

26-01-2014 12:14 AM

رد: مطلب ورجوى والدي رحمه الله مبارك ابن حمير ال بريك

رحم الله الوالد ..

ولا هنت على النقل يا أبو مبارك ...

الساعة الآن 05:49 PM