روحة قطا
 

ياصاحبي لا تغلّى والتّغلي حرام
---مافِيهِ غيرِكْ على قلبي تجرّا وسِطا

إسْنيننا الماضيه ياطيبها ياسلام
---نشفقْ لشوفةْ بعض وأمورنا أخذ وعطا

والّيومِ حتّى نمر وماتردّ السّلام
---هُو ليهِ ياناكرالمعروفِ سِرعُ وبطا

أنتهْ تسمّع علُومِ منقّلين الكلام
---ولاّ الخطأ خابرٍ ماجاكِ مني خطا

كانكْ تبا فراقنا بنقول لكْ بإحْترام
---مافات حطه ببير وحطِّ فوقهْ غطا

لاتزرع الشّوكِ ليّهْ تحتِ رِيشَ النّعامْ
---الشّوك يشكيهِ منهُو فوق روُسهْ وطا

ترى الحقيقه سواة النّور يجلى الظّلامْ
---تبي نعزل الّورق ولاّ نصِيرِ إخْلطا

ياصاحبي هزّني شوقي لمسْكَ الّختامْ
---إنْ جيتِ يامرحبا وإن رحتِ روحةْ قطا



الشاعر/ محمد بن سالم الجبيل البلوي