|
قصيدتي في احتفال عيد الفطر 1434هـ بمحافظة وادي الدواسر
السلام عليكم ورحمة الله وبركاته: تشرفت بالمشاركة في حفل محافظة وادي الدواسر بمناسبة عيد الفطر 1434هـ أعاده الله علينا وعلى الأمة الإسلامية بالخير والنصر واليُمن والبركات ، بحضور محافظة محافظة وادي الدواسر بالإنابة/ خالد بن محمد الغملاس وعدد من شيوخ وأعيان وضيوف محافظة وادي الدواسر:- مسّاكم الله ياهل الوادي بخير ويسعد مساكم يالوجيه السفيره لا جاتنا الدعوة تركنا المعاذير وجينا نشارك والهقاوي كبيرة في محفل الوادي سقته المزابير يامربها اللي عالم بالسريرة وإن طروّا الوادي يصير الوضع غير وادي الدواسر والأسامِ الشهيرة وادي تسمّا بإسم قومٍ مناعير إي والله الوادي ولافيه غيره ومن عاش معنا يبتهج كنّه أمير يامرحبا وأفضال ربي كثيرة في حفلنا فاحت زهور ونواوير والشعر حاضر والمعاني غزيرة العيد له فرحه ولذه وتقدير عند أمة الإسلام في كل ديرة عيد الفطر عيد الفرح والتباشير يالله عساه يعود بأمن وستيره ويالله عسى الإسلام من خير في خير ومن ينصر الإسلام يالله تجيره وتحمي وطنّا من شرور المعاثير أهل الفتن وأهل العقول الصغيرة في ظل أبو متعب حبيب الجماهير زعيمنا قايد زمام المسيرة هو درعنا وقت الليال المعاسير وحنّا حزامه والسعد والذخيرة لامن دعانا كلبونا طوابير وحنا سيوفٍ في الملاقا شطيره دون الوطن نثبت بوجه الأعاصير ونخلّي الطامع يذوق المريرة |
رد: قصيدتي في احتفال عيد الفطر 1434هـ بمحافظة وادي الدواسر
ياسلام يابومحسن
صح الله لسانك وكفو كفيت ووفيت |
رد: قصيدتي في احتفال عيد الفطر 1434هـ بمحافظة وادي الدواسر
الله الله يابومحسن
صح الله لسانك وكفو كفيت ووفيت |
رد: قصيدتي في احتفال عيد الفطر 1434هـ بمحافظة وادي الدواسر
|
رد: قصيدتي في احتفال عيد الفطر 1434هـ بمحافظة وادي الدواسر
اقتباس:
صح السانك يابو محسن جزل والوادي واهله يستاهلون |
رد: قصيدتي في احتفال عيد الفطر 1434هـ بمحافظة وادي الدواسر
عز الله يستاهلون الامداح هل الوادي صح لسانك ملايين يابومحسن جزل دائما وتطرب مسامعنا قصايدك ياكحيلان لاهنت
|
رد: قصيدتي في احتفال عيد الفطر 1434هـ بمحافظة وادي الدواسر
صح السانك يالامير وتسلم يمناك
كفوو يابومحسن قول وفعل ويستاهلون أهل الوادي المدح والثناء قصيدتك كااااايفه يابومحسن والمدح جاء في من هم اهل ويستحقونه اعجبتني القصيده واطربتني وانت وافي يابومحسن وكفو كفو كفوووو تقبل تحياااتي وتقديري ,, |
رد: قصيدتي في احتفال عيد الفطر 1434هـ بمحافظة وادي الدواسر
اقتباس:
المشاركة الأصلية كتبت بواسطة راشد المسعري http://www.alduwaser.org/vb/al-dowas...s/viewpost.gif مسّاكم الله ياهل الوادي بخير ويسعد مساكم يالوجيه السفيره لا جاتنا الدعوة تركنا المعاذير وجينا نشارك والهقاوي كبيرة في محفل الوادي سقته المزابير يامربها اللي عالم بالسريرة وإن طروّا الوادي يصير الوضع غير وادي الدواسر والأسامِ الشهيرة وادي تسمّا بإسم قومٍ مناعير إي والله الوادي ولافيه غيره .................................. اقول ياراشد حضرت وحضورك مشرف وبيض الله وجهك على هذه القصيده الجزله والوافيه |
رد: قصيدتي في احتفال عيد الفطر 1434هـ بمحافظة وادي الدواسر
|
رد: قصيدتي في احتفال عيد الفطر 1434هـ بمحافظة وادي الدواسر
ماشاء الله تبارك الله اخي الشاعر المتألق ابو زابن المسعري لاتوفي عباراتي عن ما في خاطري من اعجاب وتقدير وشكر لشخصكم الكريم. ( ولايهونون الاخوان والاخوات) فأنت قلب ينبض ثم ينطق بمشاعر واحاسيس اخوانه الدواسر كافة اخوك ابو محمد |
رد: قصيدتي في احتفال عيد الفطر 1434هـ بمحافظة وادي الدواسر
اقتباس:
ارررحب ثم اررحب يابو محمد بيض الله وجهك على المرور والكلام الوافي تشرفت بك وبيض الله وجهك |
رد: قصيدتي في احتفال عيد الفطر 1434هـ بمحافظة وادي الدواسر
ماشاء الله يابو محمد أنت وابو زابن
سرقتوني في الضحاء من النهار كذا والعيون تشوف !!! هذي سرقة أدبية وأنتم مشتركين في الجرم ، واحد يصلّح والثاني يشوت!! لازم تقومون بالحق:20:. |
رد: قصيدتي في احتفال عيد الفطر 1434هـ بمحافظة وادي الدواسر
بيض الله وجهك وصح الله لسانك اخوي راشد قصيدة جزلة من شاعر علم وفي قبيلة تستاهلها
تقبل تقديري واحترامي |
رد: قصيدتي في احتفال عيد الفطر 1434هـ بمحافظة وادي الدواسر
ماشاء الله يابو محمد أنت وابو زابن سرقتوني في الضحاء من النهار كذا والعيون تشوف !!! هذي سرقة أدبية وأنتم مشتركين في الجرم ، واحد يصلّح والثاني يشوت!! لازم تقومون بالحق:20:. ارحب يالغالي وابشر بالحق واللي يقفاه المعذره فالشيخوخه لها احكام ههههههه لاخلا ولاعدم |
رد: قصيدتي في احتفال عيد الفطر 1434هـ بمحافظة وادي الدواسر
اقتباس:
وماعليك زود ياغالي ،،، |
الساعة الآن 04:09 AM
 |
Powered by vBulletin® Copyright ©2000 - 2025, Jelsoft Enterprises Ltd.
---