::: مـنتدى قبيلـة الـدواسـر الـرسمي :::

قصيده اثارت إعجابي وحبيت انقلها لكم
ياطير ياطير السعد نفض الريش
دآم أكتمل صف الجناحيْن للهد
الحر مايشبه طيور الخفافيش
اللي تصافق من عماها ولا تسد
الحر يشهر عن علوم الطرابيش
له مآكره فوق الخضيراء محدد
يظهر خبرها بين عمار وعميش
فرق الملامح مثل شامه على الخد
وسمتها من خوف لا تروح وتعيش
اليوم عندي لكن الخوف من غد
علم الذواهب يذكروه الطواريش
عبر الأذاعه والجرايد مفند
خوفي على المعروف والعرف والعيش
أدرا مقامي عن حرج ساعة الجد
الشعر ميدانه وسيع المطاريش
والقفر وآجد وألمعاني تردد
والشعر ما يزهى عقول الهلابيش
الشعر لآهل الفكر كيفه مقند
شاعر سروق وكل شعره خرابيش
وشاعر على شعره حريصاً مجند
وشاعر له حروف المعاني مراهيش
وشاعر يعدْ أوزانها بالعدد عد
شاعربحرلاشك ماأروى معاطيش
البحر مالح والرواسي له تحد
شاعر عشاه من المعاني عراميش
وشاعر تعشى من دسْمها على يد
شاعر نقشها بالصفاء خوش تنقيش
وشاعر عليه الشعر صعب وتمرد
شاعر قطفها قطفت لورد ما نيش
وشاعر شذى معناه عنبر معه ند
شاعر شراها بالدراهم بعد كيش
وشاعر مسخها وأخرب الشعر من جد
ترى القصايد عند اهلها كما الجيش
عوص النضاء موصوفة الخال والجد
الراس شيْب وأصبح اللون كالميش
وألناب قارح وألمفرد مفرد
ياشعر سامحني اذا اخطيت حتى أيش
أحفظ مقامك عن خطاة المقرد
قصيدة الشاعر محمد بن ظاهرالبلوي تحياتي للجميع