::: مـنتدى قبيلـة الـدواسـر الـرسمي ::: - قصيدة فخر بالعمور الكرام- المرحوم حسن بن مهدي بن نضاد العمور من تمره

قصيدة فخر بالعمور الكرام- المرحوم حسن بن مهدي بن نضاد العمور من تمره

بسم الله الرحمن الرحيم

قصيدة فخر بالعمور الكرام
( ولايهونون الدواسر كافة)

قال الشاعر حسن بن مهدي بن نضاد العمور من تمره رحمه الله

يا نديبــي وارتحـــل فوق نابيــــة الظهر

حايــــلٍ ومحيلـــــه ليــن جــا لزومهــــا

نَصّهــــا ربعـــي وخبـّر بمـــردود الخبر

قلهــــم فــرده تــرا هي بيــان رسومهــا

غرس ياللـــي في القــراره تمايـل بالحثر

كل شيـــخٍ وقاضــيْ خابـــــرٍ اعلــومهـا

والله لاحنـــّاب نخطــي ولا نبغــي القشــر

دارنـــا من دونهـــا روحنـــا نسومــهـــا

دونهــــا ربعــي وقـوفٍ بسبـراة النـــظـر

كـــل صِبــيٍ يشتريهــا ويغلــي سومــها

لابتـــي من نســل تغلب وهم ترثة عمــر

فايتيـــــــنٍ القبايــل بزيـــن سلومهــــــا

كـــم حفيــفٍ من قديــــمٍ سقينــاه الكــدر

وكم طمـوحٍ من سببنــا رمـت بهدومهـا

من حضر منا كفى الغايب اللي ماحضر

ونــــة اللـــي نازحٍ وابتجيـــك علومـها

هو لعينـــا اللــي خـدوده كما لون القمـر

بنــــت شيـــخٍ نقْطــوها بزيــن رقومهـا

جعل صبيٍ لا نشـا ما شرى صنع الكفر

جعــل ربـي يرزقه من سريع سهومـها

المرحوم
حسن بن مهدي بن نضاد العمور الدوسري

جمع وتحرير
محبكم الدوسري