ضاق الصدر والحزن مانيــب أطيقه=وحروفي هلّت دمعها فوق الأوراق
الوقت ضيّق زودن على الغم ضيقه=والفرح ما له بالرجاجيل ميـثــــاق
مره طبوع الحظ تصبح شفيــــقـه=تعطف وتعطي للرضا أمر الإطلاق
وإلا بدال السعْد دمع(ن) تريــقــه=في ليل هم(ن) ماله اليوم إشراق
كنّ الحزن لا صاح أقبل رفيــقه=لين اجتمع ضيـقٍ وهــمٍ وارهـاق
ما كنه إلا بحــر يهلك غريـــقـه=وما كنّي الا جثة(ن) وسط الأعماق!
أو كنه الثعبـــان والسم ريــقــه=ينفث سمومه بين زفرات وشهاق
وإلا سيوف عداك لاحت بريــقــه=وإلا مثل سارق للأمـوال بــــوّاق
لا والله .. إلا موت محدن يعيــقه !=لا القوه ترده .. ولا طيب الأخلاق !
وما كني إلا حلم بعد الحقيــقــة=أخذني نزّاع(ن) للأرواح زهّــاق !
الجسم بارد والعقل بــه حريــقه !=ثم التقى الضدين بــارد وحــراق !
حالي كما عاشق وخانه عشيـقه=ومن صدمة الموقف إلى الحين مافاق !
وإلا مفارق خلّ كــنّــه شقيــقــه=وإلا غريب الدار لا حنّ واشـتــاق
العــقل محتاس(ن) وضيّــع طريقه=والعين تنزف دمعها حيل رقــراق
يا اللــه فرّجها يــا رب الخليــقــه=والطف بقلب(ن) من عنا الوقت خفّاق
الهم ما يعرف قلوب(ن) رقيــقـــه=الهـــم حــــرّاق وللفـــرح ســرّاق

لا والله .. إلا موت محـدن يعيقـه !=لا القوه ترده .. ولا طيب الأخـلاق !
ومـا كنـي إلا حلـم بعـد الحقيقـة=أخذني نـزّاع(ن) لـلأرواح زهّـاق !
الجسم بـارد والعقـل بـه حريقـه !=ثم التقـى الضديـن بـارد وحـراق !
حالي كمـا عاشـق وخانـه عشيقـه=ومن صدمة الموقف إلى الحين مافاق !

حالي كمـا عاشـق وخانـه عشيقـه=ومن صدمة الموقف إلى الحين مافاق !
وإلا مفـارق خـلّ كـنّـه شقيـقـه=وإلا غريـب الـدار لا حـنّ واشتـاق

.

.

.