::: مـنتدى قبيلـة الـدواسـر الـرسمي ::: - حلت ثمان سنين والعالم شهود- ناصر بن جمعان آل عوض وادي الدواسر

حلت ثمان سنين والعالم شهود

http://s.alriyadh.com/2013/05/06/img/610949118155.jpg

يا الله يا رحمـــن يا خير معبــود
تقبل دعــا من يقصـدك في سؤالــــه
ترحــم زعيــم في ثرى العود ملحود
وترحــم ملوك قد مضوا من عيالــه
وتحفظ ملكنــا سيد الطيب والجـود
عبدالله الزيـــزوم رمــز العدالـــــه
حلــت ثمان سنيـــن والعالم شهود
مرت كمــا برق مضى في عجالـه
هذا المليـــك اللي به الخير معقود
الصعـــب في عهــده يسير منالـه
يعطــي عطا ما فيه من ولاقيـود
يا ما انفقت يمناه وايضا شماله
ما ننشده في عهده اليوم موجود
امن ورخــا هيهات نلقـى مثالـه
اكرم بيـــوت الله بلا حد وحدود
واعطى لها من حر ملكه وماله
يبني في يوم ما بني الغير في عقود
متــوكـــل بالرب جــلا جلالــــه
صارت بلدنا كلها سهود ومهود
ما عاد يوجد في بلدنا استحاله
هذا ثمر حكمه تمايل به العود
طيب جنى ياسرك زاهي جماله
من عهد ابو تركي ومن بعده سعود
واخوانه اهل الطيب واهل الشكاله
فيصل وخالد والفهد ذخر الفهود
حتى ملكنا اللي ندر في خصاله
وحنا في عز والعطا دوم ممدود
يشهد ثرى بلادي وتشهد جباله
واصبح وطنا ملتجى لكل مضهود
من عاش به ما عاد يرضى بداله
واللي بنعمه دايم الدوم محسود
من حاقد يهوى الغدر والعماله
اللي يريد الشر لا شك مردود
ما نتبع أهل الزيغ واهل الضلاله
يا باغي فتنة ترى الدرب مسدود
مالك مجال تشتغل من خلاله
هذا الوطن حنا له دروع وجنود
يأمر أبو متعب ويلقى رجاله
عهد علينا قاطعينه من عهود
وفي أولادنا يبقى العهد واتصاله
وازكى صلاة عد ماهبت النود
تغشى النبي محمد وصحبه وآله
ناصر بن جمعان آل عوض
وادي الدواسر
http://www.alriyadh.com/2013/05/06/article832587.html