::: مـنتدى قبيلـة الـدواسـر الـرسمي ::: - ياجار كانك طعتني برقع الطير- قصيده وتحليل

- :: قسم قصــه و قـصيــده :: (http://alduwaser.org/vb/forumdisplay.php?f=19)

- - ياجار كانك طعتني برقع الطير- قصيده وتحليل (http://alduwaser.org/vb/showthread.php?t=65549)

ياجار كانك طعتني برقع الطير- قصيده وتحليل

ياجار كانك طعتني برقع الطير

قصيده وتحليل

هذه القصة الجميلة وما صحبها من ابيات رائعة ,احببت ان تشاركوني متعتها ,وجمال واصالة اجيالنا السابقة .

للامانة لااعرف القائل ,ولكن سياق القصيدة يوحي انهاعلى الاقل من ثلاثين سنة سابقة لعدة اسباب . منها انعدام الالفاظ الحضارية , وانهاغالبا كانت في احدى القرى, وايضا يتجلى فيها عمق الروابط الاجتماعية , واهم من ذلك معاملة الجار كما يعامل الانسان بيته. وهي راجعة لقوة الايمان , والشهامة, ومراعاةحقوق الجار

الشاعر اراد ان يرسل نصيحة لجاره بان ( يبرقع ) ابنته الجميلة, ويشرح ماقد تتعرض له من مساويء القوم. ولم ينس الشاعر ان يبين مناقب ابنة جاره بالعفاف ومحاسن الامور.

محبكم الدوسري

ياجاركانك طعتــــنـي برقـع الطـــــــــيـر

طيـــرك وحــش واقلوبنــــا مستميتــــه

لولاي رجــــلٍ من رجــــال بهـم خيــــــر

ماصــــد واغض النظـــــر مـن بخيتــــه

ياجار طيـــرك كل ماعرّض اعصيـــــر

مــــدري علامــــه يلتفـــت ما دعيتـــه

يمــــر كنّــــه شـارد الصيــــد لا ذيــــر

لابــوه لابــــو حـــي حيّـــــه وميتــــه

اغيـــروانـــذر وانـــذر القــوم واغير

وابيـــع روحــي ، وانهـــزم لابغيتــه

يردّنــــي ياجـــار طبـــــعٍ لنـــاغيــــر

الجـــــار مانــدرج الغــــرات بيـتـــــه

يبقــا علــى حشمـــه وشيمه وتقديــر

ويـــــروح عنّــــي بالـــردا ما قفيتـــه

مـــن خوف شيِ مابــعد صار ويصيــر

ياامّــا هــدمـــت البيــــت والاّ بنيتــــه

بعــــدٍ عـــن الهيّـن معـــزّه وتوقيـــــر

ورجـــمٍ علــى غيـر النقــــا مابديتــه

يحــدنــــي يــــم الخـطـــا دون تبريـــر

الـــي بلانــــي بالهـــوى مابليتـــــــه

وانــــا بشـــر منـــي خطايـا وتقصيــر

الله يغــفــــر كـل ذنــــــبٍ جنيـتــــــــه

]