ياسلام الله سلامآ عدد ماشاع نور=عد نور الصبح لابان فلاج الظلام
والتحية واجبة للمشاكيل الحضور=كل مسلم لاحضر واجبه رد السلام
وعقبها ياهاجسي جيب منته بمعذور=وإعرف أن اليوم يومك ولافيها كلام
جيب لي من باقي الورد وإنق من الزهور=وأنتبه من حاجة لاتباع ولاتسام
والله أني خابرنك بعيد من القصور=ما تجيب إلا بيوتآ تمام في تمام
وإعرف أن منصاك رجلآ على العلياء جسور=كان ماجملتني فيه يلحقني ملام
جيت أهني يبو تركي وأنا كلي فخور =عقب ماثبت إشدادك على راس السنام
أنت أمير لعاصمة نجد يانمر النمور=لأنك خالد وأبن بندر حفيدآ للإمام
إفرحي ياعاصمه نجد في وافي الشبور=فيصليآ شال حملك على متنه وقام
وأمست الأفراح في كل حي وكل دور=حيث لك بقلوب أهلها معزة وإحترام
وأنت رجال المهمات في كل الامور=من قراء سيرتك وقلع لك برأس البهام
الشجاعه والكرم والوفاء فيك محصور=والتواضع من سماتك مع كل الانام
ذي صفات ابوك قبلك وذا شي مخبور =وإكتسبت المرجله من بعد سن الفطام
فيك دين وفيك لين وعلى دينك غيور=والشجاعه في محياك يالحر القطام
ماتشاور في المخالف ولاتحتاج شور= ماتجامل والمخالف يطوعه النظام
جعل رب البيت يحماك من شر الشرور=الاله اللي عن خلق عينه ماتنام
وفي النهايه ياسلامي عدد ماشاع نور=قلتها عند البدايه وقلتها عند الختام

مرحبآ وأهلين ياتركي ولد عبدالله=والله اني صادقآ يامير في ماقوله
منهو اللي مايحبك ماخبرته لله=والله لو نمشي بعرض الارض ولاطوله
كم قظيه قمت فيها وأصبحت منحله=دام تركي قام فيها عدها محلوله
الشجاعه والكرم والطيب فيك جبله=ذي شهادة حق مني والرجال تقوله
كم سجينآ قد وقلع له في جريمه زله=وقمت في دعواه واطلعته وشلت حموله
فيك من عبدالعزيز وفيك من عبدالله=وفيك من فهد العروبه وقفته وفعوله
قالو تركي عينوه بمنصب كفوآ له=صورته عبر القناة الاوله منقوله
بأمر ابو متعب عسى رب الملاء يمهله=الزعيم اللي إليا من قال يسمع قوله
قائدآ عم الوطن خيره وشعبه كله=والمواطن من وفاه لقايده يدعوله
منهجه دين الشريعه واتباع المله =بيض الله وجه ابو متعب زعيم الدوله