::: مـنتدى قبيلـة الـدواسـر الـرسمي ::: - من قصائد الشاعر/فلاح بن محمد ال بريك

- :: قسم الـشعر العــام :: (http://alduwaser.org/vb/forumdisplay.php?f=16)

- - من قصائد الشاعر/فلاح بن محمد ال بريك (http://alduwaser.org/vb/showthread.php?t=64485)

من قصائد الشاعر/فلاح بن محمد ال بريك

مساجله مع الشاعر/فراج بن محيلب السبيعي

قال الشاعر /فلاح بن محمد ال بريك

سلمان قرب لي جديد الطرازي
لاركبه المشحون تكبر هقاويه

لامن عطا له مجرهد جرازي
علم يجيبه لك وعلم يوديه

نصه عزيز من كرام عزازي
ابوحمود اللي تنومس عزاويه

لاجيته فقله ترا الجرح حازي
الجرح يكلى تو مابان خافيه

روابعي قلت وضاع امتيازي
ما احد يصوت لي ولا احد اناديه

والشيب لاح وتو للغي غازي
كني غرير دلهنه مناويه

من بعض الاشياء الورع ماهو بعازي
الا الامن صارت امه تلهويه

وانا يشاليني طويل المنازي
المشتحن ذب الملولح يشاليه

يرقاه من مثلي به الحب وازي
لو هو خطاء يصبر على تعب رجليه

هني مرتاح من الحب جازي
اللي يصلح نعمته مع مواشيه

وان جيت انا بجوز مالي مجازي
لاشفت من زينه مع الناس مطغيه

عليه حالي كن فيه النحازي
او حال مرضان تعومس مداويه

يذكر دواء المغلوث دم البرازي
وانا علاجي نشة بين اشافيه

رد الشاعر/فراج السبيعي

اهلا هلابك يابعيد المنازي
حييت والمرسول ربي محييه

يابو محمد صدق ولاتهازي
اشك بالموضوع صيغه وتوجيه

احسبك بالدعوه شريك ابن بازي
والعلم نور تقتدي به وتمشيه

واثرك تمس بطانها للمغازي
وعزل الشداد كبارته من مغازيه

فيسقيك يا رجم ورا ام العفازي
من رايحات المزن يخضر واديه

رجم يهز الشوق منه اهتزازي
فلاح نسيه مير مانيب ناسيه

ما ودك انه طب فيه ارتوازي
كود الجهام مضحي في ضواحيه

دنيا العنا تنباع لو بالبيازي
يقطعك يالوقت مره وحاليه

قلبي تكسر مثل نوع القزازي
متكسر كله من الهيه لا الهيه