ليا شمت من عد ٍ عليه القطين ميات=
مردك هزيمه واتجاهك على غزوه=
ونفسك ليا راحت عليها العلوم وجات=
ممات المعزه خير من عيشة الخزوه=
كثير ٍ من الأحياء حسابه من الأموات=
ليا صار ماهو لك سعاده ولا عزوه=

ياجض قلبي جضة الغافل=
لا خلّت القعده وخلاها=
تطرد نباتن زاهره نافل=
لين انتحت وابعد معشاها=
ساعة توعت درهمت جافل=
ثوّر زبدها لين غطاها=
ويا حن صدري حنة القافل=
مورن تعرّض رختن جاها=
يسوقه اللي بالزعل كافل=
سبّة ضروف الوقت واجواها=
الكمبريشم حدّره سافل=
حتى سيوره جاوب اغناها=

ماخلق وتنامى فوق وجه الثرى بيروح=
الدنيا مسافه والمخاليق عبريه=
تفكّر وميّز فالاوادم بآمل ووضوح=
مع بعض تلقاها نمونه ونوعيه=
وكثر لصدقاء كانه يسبب قلق للروح=
فأنا صابني من كثر الاصحاب نفسيه=

مل قلبن هاجسه فاخت الراحه=
افتخات الجيل الاول عن التالي=
ضاق جوله وافتقد واهس افراحه=
فقدتن فيها الرجا حي لازالي=
ياوجودي وجد من رد لسلاحه=
يوم عبّا مخزنه ثار في غالي=

المشاركة الأصلية كتبت بواسطة بطل (المشاركة 732281) صح السان ابوحمد مليون مره ومشكور ياعنفوان علي النقل وشكرآ

المشاركة الأصلية كتبت بواسطة راشد المسعري (المشاركة 732283) مل قلبن هاجسه فاخت الراحـه افتخات الجيل الاول عن التالـي ضاق جوله وافتقد واهس افراحه فقدتن فيها الرجا حـي لازالـي ياوجودي وجد من رد لسلاحـه يوم عبّا مخزنه ثار في غالـي الله الله عليك يابو حمــــــــد صح لسانه ولسانك وسلمت على نقل هذه الدرر القصيرة في عددها والغنية بمحتواها تقبل ودي وتقديري ،،،