::: مـنتدى قبيلـة الـدواسـر الـرسمي :::

العيد هذا طابعه مثل الاعياد/
بس الحقيقه رونق العيد غايب&
ما الوم عين صابها سهر وسهاد/
مامن عجيب في زمان العجايب&
امسيت طفل فرحة العيد تزداد/
واصبحت عود من عنا الوقت شايب&
من قال قبلي بين عياد وعناد/
عزالله انه كل ماقال صايب&
دام الحياة جهاد من بعده جهاد/
الله يغفر ذنب من كان تايب&
دام الزمن ماعاد بيامه جداد/
واقرب جديد حدر عوج النصايب&
وقت الشدايد من يعين له شداد/
يجر صوته فوق عوص النجايب&
دام الفرح ينعاد والحزن ينعاد/
اطلق نظرك ويرجع الشوف خايب&
اعيش في بلادي وانا مالي بلاد/
شلّت معالمها رياح الهبايب&
دام الثعاله جالها انياب حداد/
ماتجدي الاسباب بعد السبايب&
مافيه بغدادي ولافيه بغداد/
والبوم ينعق في هدام الخرايب&
ماتكتب حروف الهجا بأمة الضاد/
والواو وعيون العداله حبايب&
مال القمر تاريخ هجري وميلاد/
والعدل جيش الظلم ضده كتايب&

حمود بن عقرب